Седумгодишно детенце паднало од тераса и веднаш е пренесено на скопските клиники, нема информации за состојбата
Објавено во: Македонија 02 Јуни, 2020
Вчера во Кавадарци седумгодишно дете паднало од тераса, по што веднаш било пренесено во скопскиот клинички центар Мајка Тереза.
Ова за Фактор го потврди портпаролот на СВР Велес, Верољуб Додевски, кој вели дека таа информација ја има од полицискиот билтен.
Несреќата била пријавена вчера во 14 часот во Клиниката во Кавадарци, а се случила на улицата Браќа Џунови.
Инаку, она што се знае е дека детенцето паднало од терасата во куќата во која живее.
Ниту од СВР Велес, ниту од СВР Кавадарци немаат информации каква е денеска состојбата на седумгодишното детенце.
Тие побарале преку МВР да добијат известување од скопскиот клинички центар, и очекуваат да добијат информации во текот на денешниот ден.
Сознанијата на Фактор говорат дека детенцето не е на КАРИЛ. Фактор се обиде да стапи во телефонски контакт и со директорот на Ургентен центар, доктор Илир Хасани, но со него не можевме да оствариме контакт.