СЕ ТРЕСЕШЕ ОЛИМПИСКОТО СЕЛО: Силен земјотрес во Токио, пренесуван во живо
Објавено во: Свет 04 Август, 2021
Земјотрес со јачина од 6 степени според Рихтеровата скала го погоди Токио, а земјотресот го почувствуваа и олимпијците.
Според првите информации, нема опасност од цунами.
Земјотресот траеше околу 20 секунди, а новинарот на Ен -Би -Си Лестер Холт беше првиот што ја пренесе оваа информација.
Сѐ се случи во 05.33 часот по локално време.
„Поувствував среден земјотрес овде во Токио. Околу 5.33 часот оваа среда наутро. Тоа траеше околу 20 секунди. Интересно, тимот што беше на три ката под мене не чувствуваше ништо. „Јапонската метеоролошка агенција процени дека магнитудата е шест степени според Рихтеровата скала“, напиша Холт.
Епицентарот на земјотресот бил на брегот на Јапонија, северно од Токио.
Зградите во Олимпиското село се изградени да бидат отпорни на земјотреси, но и покрај тоа, многумина на повисоките катови почувствуваа како се тресе земјата.
Австралискиот новинар Марк Берета го почувствува во директен пренос.
„Добредојдовте во Олимпиското село каде што трае земјотресот, земјата се тресе. Покривот над нас се движи и можете да забележите дека се движат и нашите светла и камери. Тоа беше необичен момент, никогаш порано не сум доживеал земјотрес “, рекол Барет.