СЕ СЛУЧИ ОНА НА ШТО ПРЕДУПРЕДУВАА ЛЕКАРИТЕ - празничните гужви и забави пак ја „запалија“ короната
Објавено во: Македонија 08 Август, 2020
Летни одмори и голем метеж ширум туристичките места во земјава, полни шеталишта, ресторани, кафеани, особено за празникот Илинден минатата недела.
И не само тоа, силни забави по локали без маски и без почитување на мерките.
Една таква се случувала и вчера вечерта во локал во Струмица, за што кружи видео на социјалните мрежи.
Забавите на плажите во Охрид, пак, минатата недела кога времето беше убаво, веќе не се тајна, а резултираа и со кривични пријави за неколку угостители.
Дали сето ова беше причина за растот на бројот на заболени од коронавирусот во последниве денови, токму како што предупредија епидемиолозте, дека тоа ќе се случи пет до седум дена по големите гужви.
Ова следува откако вчера установите потврдија 155 нови случаи, а во четвртокот тој број беше 113 пациенти. Во средата, пак, бројот на заболени беше само 88, односно двоцифрен број, што создаде радост дека вирусот како да стивнува, а и надеж дека и натаму тој број ќе се намалува.
Но, наместо тоа секој ден имаме се поголем број заболени, за денеска бројката да достигне дури до 200.
Останува да видиме како во следните денови ќе се движи бројот на заболени.
Н.Н.Ф.