Се пушта во употреба Централниот регистар на население
Објавено во: Македонија 17 Октомври, 2019
Централниот регистар на население од денеска ќе биде пуштен во употреба а истиот ќе треба да претставува основа за е-услугите кои во иднина на граѓаните наместо да шетаат по шалтери треба да им овозможи електронско поднесување на документите.
На неговото претставување ќе присуствува Дамјан Манчевски, министерот за администрација и информатичко општество. За овој регистар беше донесен посебен закон а беше најавен уште на ланскиот Дигитален самит во Македонија.
Тој ќе претставува единствена база во која ќе се чуваат реални податоци во однос на населението а во базата ќе се црпат од повеќе институции како МВР, Министерството за правда, Управата за водење на матичните книги и Централниот регистар.
Регистарот на население е основа и за порталот за е-услуги, каде граѓаните ќе можат најголем дел од услугите кои секојдневно им се потребни да можат да ги добијат по електронски пат. Ова претставува платформа за креирање на електронски идентитет на граѓаните и постојано ќе се надградува со податоци од други институции. Регистарот на население има за цел да ги донесе услугите до граѓаните, на поедноставен начин да се добиваат сите потребни документи, што ќе придонесе до подобрување на квалитетот на животот
Со Централниот регистaр на население се утврдува унифициран и единствен начин на водење на поединечните бази на податоци, врз основа на утврдени стандарди и процедури. Регистарот за населението обезбедува пристап до јавните услуги обезбедени од страна на надлежните органи и други лица.
Регистарот на население под определени услови ќе биде даден на користење и на комерцијалните институции, што ќе отвори и нови можности и зголемување на придобивките за граѓаните.