27 Октомври, 2021
0.0449

СЕ ОГЛАСИ СИНДИКАТОТ: Исмаили што побргу да ја закаже седницата на Комисијата за труд, за работниците да го имаат од октомври недела неработен ден

Објавено во: Економија 14 Септември, 2021

Откако Фактор објави дека претседателот на Комисијата за труд и социјална политика Хусни Исмаили од Алтернатива се уште не ја става на дневен ред на комисијата точката за измените на Законот за работни односи, со кои од први октомври недела треба да стане неработен ден, со реакција се јави Сојузот на синдикатите на Македонија. 

Од ССМ бараат Исмаили во најкус можен рок да закаже седница на Комисијата за труд и социјална политика, на која ќе се разгледуваат предлог законските измени на Законот за работни односи во второ читање. 

„Сојузот на синдикатите на Македонија како иницијатор на измените на Законот за работните односи во насока на уредување на недела како неработен ден, а со цел унапредување на работничките права и усогласување на националното законодавство со меѓународните трудови стандарди, бара од претседателот на Комисијата за труд и социјална политика во Собранието во најкус можен рок да закаже седница на Комисијата за труд и социјална политика, на која ќе се разгледаат предлог измените на законот во второ читање кои се испратени до Собранието во јули оваа година“, се вели во соопштението од најголемиот синдикат во земјава.

На тој начин, според нив, ќе се исполнат сите законски претпоставки, измените на законот да бидат ставени на дневен ред на седница на Собранието навреме, за да може работниците да го користат правото недела да биде неработен ден со почеток од први октомври оваа година, како што беше договореното од сите социјални партнери во државата.

„Очекуваме тоа што социјалните партнери го договориле на ниво на Економско социјален совет целосно да се почитува и да се реализира  од страна на Собранието“, велат од ССМ во својот допис до претседателот на Комисијата за труд и социјала. 

Како што веќе објави Фактор, од Министерството за труд и социјала апелираа до сите народни избраници, и од власта и од опозицијата, да дадат максимална поддршка на ова законско решение.

Оттаму нагласуваат дека овој закон ќе опфати дури 92 проценти од работниците во земјава, за кои недела ќе биде неработен ден. 

Н.Н.Ф.

Можеби ќе ве интересира

Историски ден за македонскиот стартап екосистем, eве зошто

Историски ден за македонскиот стартап екосистем, eве зошто

Заев објасни дали ќе имаме зголемена инфлација и енергетски ценовен шок

Заев објасни дали ќе имаме зголемена инфлација и енергетски ценовен шок

Мицкоски: Ќе се вратиме 40-50 години наназад кога домаќинствата се соочуваа со недостаток на електрична енергија

Мицкоски: Ќе се вратиме 40-50 години наназад кога домаќинствата се соочуваа со недостаток на електрична енергија

Растат платите во Србија, просечната се искачи на 550 евра

Растат платите во Србија, просечната се искачи на 550 евра

Заев вели дека и во време на пандемија се зголемуваат платите, а тоа е реткост во Европа

Заев вели дека и во време на пандемија се зголемуваат платите, а тоа е реткост во Европа

НАЈЧЕВСКА ПРАШУВА: Зошто во земјава не се стимулира ставање панели на секоја куќа и кому му одговара да останеме енергетски зависни

НАЈЧЕВСКА ПРАШУВА: Зошто во земјава не се стимулира ставање панели на секоја куќа и кому му одговара да останеме енергетски зависни

БЕКТЕШИ: Убеден сум дека ниту по први јануари нема да има големи ценовни шокови кај електричната енергија

БЕКТЕШИ: Убеден сум дека ниту по први јануари нема да има големи ценовни шокови кај електричната енергија

На Балканот и натаму се градат нуклеарни централи, Македонија нема стратешка резерва

На Балканот и натаму се градат нуклеарни централи, Македонија нема стратешка резерва

Скопска фирма со еден вработен направи пола милион евра профит!

Скопска фирма со еден вработен направи пола милион евра профит!