Добивај вести на Viber
Премиерот Димитар Ковачевски попладнево се огласи со реакција на социјалните мрежи со предупредување до јавноста дека се појавиле многу лаги и гласини во врска со францускиот предлог.
Шефот на Владата тврди дека прашањето со македонскиот јазик е кристално чисто и дека нема никакви фусноти и дополнувања во предлогот.
„Се појавија многу лаги и шпекулации врзани со францускиот предлог.
Сакам да бидам кристално јасен: македонскиот јазик е апсолутно чист и еднаков со сите други јазици во Европа со овој предлог. Македонскиот јазик ќе биде официјален јазик на Европската Унија. Нема никакви фусноти и дополнувања, тоа се лаги.
Нашата стратегија и план даде резултат, имаме нов предлог кој ги штити нашите стратешки и национални интереси. И во предлогот и во преговорите, нема да дозволиме тие да бидат загрозени“, објави Ковачевски.