Се очекуваат нови напади во Ирак
Објавено во: Свет 03 Јануари, 2020
Вашингтон очекува нови напади во Ирак.
САД очекуваат во Ирак нови напади од шиитската милиција која ја сметаат за сојузник на Иран кој поради тоа „веројатно ќе зажали“, изјави челникот на Пентагон, Марк Еспер, по нападот на американската амбасада во Багдад по американското бомбардирања врз бази во Ирак и Сирија во кои загинаа 25 шиитски борци.
Овој напад Вашингтон го објасни како одмазда за претходен напад во Киркук во кој загина еден Американец.
„Провокациите траат со месеци. Мислам дека тие нешто ќе сторат. Да, и веројатно ќе зажалат поради тоа. Подготвени сме да се одбраниме и подготвени сме да спречиме нови нездрави однесувања на тие групи, кои ги води и финансира Иран“, изјави американскиот министер за одбрана, Марк Еспер.
Доколку САД имаат сознанија за подготовка на такви напади „ќе преземеме превентивни мерки поради заштита на американските сили и американските животи“, додаде Еспер.
Началникот на главниот штаб на американската армија, генералот Марк Мили, изјави дека американската амбасада во Багдад е добро заштитена.