Се обидоа да ми го згазат достоинството: Искрено интервју со Цветанка Ласкова
Објавено во: Стил, Интервјуа 13 Февруари, 2020
Како посебен советник за култура многу е задоволна што во краток период културата од буквално заробена и исклучива - стана слободна и европска култура. Како бизнисменка, ужасно е разочарана во судството од искуството со нејзиниот случај.
Вели, одреден круг на лоши луѓе, се обиделе да ја дискредитираат и што е најлошото од сѐ- посегнале по нејзиното семејство. Преживува благодарение на нејзиниот силен дух, животно искуство и концентрирајќи се на работите кои ѝ се најважни во животот.
Цветанка Ласкова, и сега, по 47 години професионална кариера како естраден уметник, бизнисменка и сега активно вклучена во политиката ( девет години беше на чело на форумот на жени на СДСМ и три години е посебен советник за култура во Владата на премиерот Зоран Заев), не ги менува работните навики, стилот на облекување, фризурата и пријателите. Дури над дваесет години е верна на истиот парфем „опиум“ на Ив Сен-Лоран. Вели, тајната на нејзиниот дамски изглед се должи на менталната хигиена, а не како резултат на козметички ритуали.
Во ексклузивното интервју за „Женски магазин“ кое може да го прочитате тука откри и уште дали жените го добиваат местото во политиката што го заслужуваат, дали и недостасува музиката и со кого се дружи приватно.