Се бориме сега, а се плашиме за есента: Ќе издржи ли здравствениот систем

Добивај вести на Viber

Здравствениот систем е во грч во борбата со пандемијата на Ковид-19. Деноноќно медицисниот персонал се бори со болеста, за секој пациент, за секој човечки живот. Најстрашно е во Скопје, каде има неколку ковид болници. Во дел од нив ротираат здравствени работници од другите градови, а министерот Венко Филипче вели дека засега системот на ротација добро оди. Сепак најголем предизвик е есента. Се стравува како во наплив на болни и од сезонски грип, ќе се лекуваат и заболените од коронавирусот.

„Ние во исто време правиме планови и за наесен. Тогаш очекуваме дека притисокот кон здравствениот систем ќе биде уште поголем. Тогаш ќе се соочиме со еден нов бран и на сезонски грип и на пациенти заболени од ковид-19. Вирусот нема да замине. Навреме почнавме активности за поддршка на медицинскиот кадар. Огромен број здравствени работници беа примени и во болниците и јавните здравствени установи ширум земјава. Има градови каде што веќе нема невработени лекари, изјави вчера Филипче.

Од вчера требаше повторно да биде ставена во функција модуларната болница во која изминатите денови се поставуваше инсталација за довод на централен кислород. Моментално најголемо е оптоварувањето во ГОБ „8 Септември“.