СДСМ: Инвестирањето во човечкиот капитал придонесе просечната плата да се искачи над 26.000 денари
Објавено во: Финансии 20 Февруари, 2020
Oд СДСМ велат дека инвестирањето во човечкиот капитал, вратената доверба во економијата, одговорните економски политики, придонесоа за првпат просечната плата да се искачи над 26.000 денари.
„СДСМ во изминатите две и пол година во два наврати ја зголеми минималната плата, која сега изнесува 14.500 денари, а со мерката за субвенционирање на придонесите поголеми плати земаат над 106.000 вработени лица. Продолжуваме со мерките кои обезбедуваат повеќе пари во семејните буџети и со настојувањата просечната плата да се искачи на 30.000 денари. На прав пат сме и затоа граѓаните на 12 април ќе го дадат својот глас за поголеми плати и подобрување на животниот стандард“, велат од СДСМ.
Според официјалните податоци на Државниот завод за статистика просечната плата е покачена за 4,1 насто, однсно за 1.050 денари во однос на декември 2018 година и таа изнесува 26.836 денари.