САМО ЕДЕН ЗАБОЛЕН ОД КОРОНА МОЖЕ ДА ЗАРАЗИ УШТЕ СТО - пулмолог кажува што може да не спаси
Објавено во: Балкан 08 Јули, 2020
Само еден заразен со коронавирус без маска може да зарази 100 други кои исто така не ја носат, а од него се оддалечени помалку од еден и пол метри, вели пулмологот д-р Татјана Радосављевиќ, пренесува српски Курир.
Како што предупредува докторката Радосављевиќ, маската мора да ја носат болните луѓе во болниците, сместени меѓу другите заразени лица, но и здравите луѓе меѓу здравите луѓе.
„Ако заразеното лице и другите 100 лица ја носат маската, дури 95 од нив се заштитени. Бидејќи нема лек за овој вирус, маските се апсолутно единственото безбедно средство за заштита, поради што сите мора што побрзо да ја сфатиме нејзината важност. Дури и оние што се во болница заради оваа инфекција треба да носат маска, затоа што на тој начин ги штитат медицинарите, но и другите пациенти кои имаат пневмонија, но не им е потврден коронавирусот“, посочува д-р Радосављевиќ.
Таа наведува дека клиничките слики на заразените сега се исти како што биле на првиот врв на епидемијата.
„Сè уште имаме тешки пациенти, а сите релевантни истражувања покажуваат дека вирусот не е променет генетски. Ниту е поопасен, ниту послаб. Не можеме да кажеме со сигурност дека вакцината целосно ќе го елиминира, но секако дека ќе помине најмалку една и пол година до првата вакцина“, вели д-р. Радосављевиќ.
фото. Курир.рс