САКАМЕ ПРАВАТА НА БУГАРИТЕ ДА БИДАТ ВКЛУЧЕНИ ВО УСТАВОТ НА РСМ, А МАКЕДОНСКО МАЛЦИНСТВО ВО БУГАРИЈА НЕМА: Петков за БТВ
Објавено во: Македонија 16 Јануари, 2022
Бугарскиот
премиер Кирил Патков во изјава за БТВ вели дека никогашниту тој, ниту други
членови на бугарската влада не разговарале со амбасадата на САД во Бугарија за
признавање на т.н. македонско малцинство во земјата.
-Нема такво малцинство и за такво малцинство дури не може да се зборува. Постои усогласен став на бугарската политика, потврден од Консултативниот совет за национална безбедност пред една недела. Позицијата на Бугарија кон Севрна Македонија не е променета, туку е само надградена со работни групи, истакна бугарскиот премиер.
Што се однесува пак до инсистирањето и условувањето на бугарската страна, бугарското малцинство во Република Северна Македонија да влезе во Уставот на земјата, Петков за БТВ рече дека сакаат правата на Бугарите да бидат вклучени во Уставот на РСМ.
-Ова треба да биде во функција само со резултат врз основа на овие работни групи. РСМ ќе влезе во ЕУ кога позицијата на Бугарија ќе биде усогласена. Сакаме правата на Бугарите таму да бидат вклучени во нивниот Устав.
Во врска со компромисите кои Бугарија е подготвена да ги направи рече дека може да биде иницијатор за пуштање на авио-линија Софија-Скопје како прв чекор.