САД се закани: Санкции и за европски компании со рускиот гас

Добивај вести на Viber

САД е пред одлука да воведе санкции и против европски компании кои се поврзани со изградба на руски проекти за достава на гас преку планираниот проект Север тек 2. Европските компании кои ќе работат на овој важен гасовод може да се соочат со санкции од Америка, посочија од Стејт Департментот.

„Веруваме дека проектот Северен тек 2 ќе ја поткопа севкупната енергетска безбедност и стабилност на Европа. Тоа ќе и овозможи на Русија уште една алатка за притисок во европските земји, особено земји како Украина, изјави портпаролката на Стејт Департментот Хедер Нојерт.

Проектот за овој цефковод беше започнат во 2015 година како соработка меѓу руски Гаспром, Енџи од Франција, австриски OMV, германски Јунипер и Винтершал, како и британско-холансакиот концерн Royal Dutch Shell. Гасоводот треба да се протега од Русија до Германија под Балтичкото море и двојно да ја зголеми досегашната цевководна мрежа за 55 милијарди кубни метри на годишно ниво.

САД има свој интерес во енергетиката и ја притиска Европа да се откаже од набавувањето на руски гас и природни енергенси и наместо нив да чека достава со американски танкери, цистерни и гасоводи кои се градат од арапскиот свет, но тие проекти се доста поспаки од руските решенија за достава и цените на енергенсите.

Токму енергетските интереси повеќе аналитичари сметаат дека се главната причина за засилената вербална војна која сега се одвива меѓу САД и Русија иако претседателот Трамп сакаше да воспостави нормализација на односите со Путин по што беше расчеречен од либералните медиуми како и од бизнис лобито, но и од разузнавачките служби кои не седат мирни.