САД развива информатичко оружје?

Добивај вести на Viber

Соединетите американски држави мора да произведат ново оружје за да се заштитат од информатичките напади, оценува генералот Кит Александер, директор на Агенцијата за национална сигурност. „Ако вашата одбрана се состои само од тоа да обидете да го одбиете нападот, тогаш таа не е делотворна“, вели Генералот кој смета дека е потребна „информатичка команда“ во склоп на американската војска. Според Александер, понекогаш Владата мора да анализира што треба да се направи за да ги запре нападите, но пред се да ги спречи уште пред да се случат. Затоа, вели тој, мора да се развијат офанзивните механизми. Ова би значело дека секој хакерски напад, треба да се третира како класичен воен напад. Овие дебати се случуваат во време кога САД треба да ја донесе стратегијта за информатичките технологии. Американската управа никогаш не потврди дека има вмешано прсти во развојот на овој тип оружје, како што се вирусите Флејм и Стакснет со кои што е нападнат Иран. Сепак, голем е бројот на експерти кои мислат дека зад тие напади стојат токму сојузниците САД и Израел.