САД ЌЕ ПОМОГНЕ: Турците ја прекинуваат офанзивата во Сирија
Објавено во: Свет 18 Октомври, 2019
Турција ќе ја прекине офанзивата против Курдите во северна Сирија.
Оваа информација ја објави американскиот потпретседател Мајк Пенс, кој денеска во Анкара се сретна со турскиот претседател, Реџеп Таип Ердоган.
Сите воени операции ќе бидат запрени на пет дена и за тоа време, САД ќе помогнат да се спроведе повлекувањето на курдските сили од пограничната територија што Турција ја нарекува сигурна зона.
Турција ја почна офанзивата пред седум дена, откако Доналд Трамп најави дека американската војска ќе се повлече од тој регион.
„Одлични вести од Турција! Благодарение на Ердоган, милиони луѓе ќе бидат спасени. Ваков договор немаше да може да се постигне пред три дена“, напиша Трамп на Твитер.
Курдите се договорија со сириската влада, која со посредништво на Русија ја испрати својата војска во североисточниот дел на земјата.
Турскиот министер за надворешни работи Мевлут Чавушоглу кажа дека офанзивата само привремено ќе биде запрена.
фото АП