„СÈ Е ОДНАПРЕД ИСПЛАНИРАНО“: Кинескиот министер за надворешни ја открива вистинската причина за посетата на Пелоси на Тајван
Објавено во: Свет 08 Август, 2022
Американската влада намерно ја планирала посетата на
претседателката на Претставничкиот дом Ненси Пелоси на Тајван за да предизвика
криза и да го зголеми своето воено присуство во регионот, изјави кинескиот
министер за надворешни работи Ванг Ји.
– САД имаат навика прво да создаваат проблем, а потоа да го користат за спроведување на своите стратешки планови. Има знаци дека со планирањето на ненајавена посета на Пелоси, САД повторно го искористија својот стар трик и во моментов ја користат можноста да го зголемат своето воено присуство во регионот, нагласи тој, а пренесува ТАСС.
Кинеската Народноослободителна армија (ПЛА) во четвртокот започна големи воени вежби во областите околу Тајван. Вежбите, објавени во вторникот вечерта, следуваа веднаш откако претседателката на Претставничкиот дом на САД, Ненси Пелоси, пристигна во посета на Тајпеј.
Тајван е управуван од локална администрација од 1949 година кога преостанатите сили на Куоминтанг предводени од Чианг Каи-шек (1887-1975) биле поразени во кинеската граѓанска војна и се засолниле на островот. Тајван го зачувал знамето и неколку други симболи на Република Кина кои постоеле пред комунистите да го заземат копното.
Според официјалниот став на Кина, кој го поддржуваат повеќето земји, вклучително и Русија, островот Тајван е една од кинеските провинции.