РУСКОТО МНР СО ЈАСНА ПОРАКА ДО ХАРАДИНАЈ - големоалбанската идеологија е закана за балканските држави

Објавено во: Балкан 23 Јануари, 2021
Пропагандата на големоалбанската идеологија е политичка уцена и закана за територијалниот интегритет на балканските држави, соопшти руското министерство за надворешни работи.
Соопштението е објавено како реакција на изјавата на поранешниот косовски премиер Рамуш Харадинај за тоа дека ќе иницира референдум за обединување на Косово и Албанија.
„Ова е уште една во низата провокации поттикнати од големоалбанската идеологија, која во последно време почна сè поинтензивно да се шири во регионот и претставува директна закана за територијалниот интегритет на балканските држави. Политичката уцена е недозволива. Токму тоа е терминот за изјавата на Харадинај и неговите повици за произволно прекројување на границите на Балканот“, се наведува во соопштението.
Руското министерство жали што нема јасна реакција на оваа провокација од страна на Европската Унија, која има мандат на посредник во дијалогот на Белград и Приштина.
„Мораме да ги потсетиме сите дека стабилно и трајно решение за Косово може да се произведе исклучиво на преговарачката маса под услов на строго почитување на меѓународните правни правила и со почитување на резолуцијата на Советот за безбедност на ОН 1244“, соопшти министерството за надворешни работи на Русија.
Харадинај претходно изјави дека ќе се заложи за референдум за обединување со Албанија ако Косово во блиска иднина не биде примено во ЕУ и меѓународните организации, а Белград не ја признае независноста на Косово, пренесува ТАСС.
Можеби ќе ве интересира
Rimac автомобили ја поздравија инвестицијата на Порше од 70 милиони евра

18 ПОЧИНАТИ И 417 НОВИ ЗАРАЗЕНИ: Црн ден за Црна Гора

ПАЦИЕНТИ ОД БЕЛГРАД ЌЕ БИДАТ ПРЕНЕСЕНИ ВО КРУШЕВАЦ: Србија брои повеќе од 4.000 заразени

Бразилскиот сој стигна на Балканот, откриен е во Словенија

Зошто Хрватска и ЕУ се губитници во трката за вакцинација, а Србија и Велика Британија победници?

КОИ СЕ СКАПИТЕ ЛЕКОВИ ШТО ВУЧИЌ ГИ НАРАЧА ЗА СРБИЈА - го излечија Трамп, се состојат од антитела и делуваат како пасивна вакцина
