Рускоска: Зијадин Села го има спасено еден од демонстрантите
Објавено во: Македонија 22 Март, 2019
Обвинителката Вилма Рускоска во емисијата Клик Плус на ТВ21 изјави дека Абдулфета Алими, кој е осуден на 7 години затвор не го спасил пратеникот, Зијадин Села како што тврди тој, туку тоа го сторил еден од демонстрантите.
„Абдулфета да си ја вршеше работата и задачата која му беше дадена тој ден немаше да треба никого да спасува. Зијадин Села го има спасено еден од демонстрантите, кој рекол видовте дека го утепавме човекот дај да го тргнеме на страна, и да го однесеме во ресторанот во Собранието, Клуб на пратеници, дури тогаш доаѓа Алими и тогаш веќе му помага на Тони, и успеваат преку прозорот од кујната на бифето, по пожарните скали двајцата да го качат. И самиот Фета кога даваше изјава кај мене изјави дека Тони чекал и додека траела операцијата на Села“, вели таа.Тони бил и во Брзата помош и чекал додека траела операцијата, а кога го сместиле на Интензивна си заминал и рекол „од мене толку, завршува Рускоска.