Русите ги привеле градоначалникот на Херсон откако одбил да соработува со нив
Објавено во: Свет 28 Јуни, 2022
Русите го привеле градоначалникот на Херсон, Ихор Колихаев, откако тој одбил да работи со нив. Советничката на Колихаев, Халина Љашевска, на Фејсбук напиша дека офицери на руската Национална гарда ја пребарале канцеларијата на градоначалникот и го привеле на 28 јуни.
Гувернерот на регионот Херсон, Хенадиј Лахута, го потврди притворот на Колихаев. Откако руските трупи го презедоа градот Херсон на почетокот на март, Колихаев остана во градот и продолжи да работи како градоначалник.
Русија кон крајот на април назначи свои таканаречени шефови на воено-цивилни администрации во градот и областите што руските трупи ги презедоа.
Украинските медиуми денеска објавија дека окупаторските руски сили, уапсиле службеник во украинскиот град Енерходар во регионот Запорожје минатата недела.
Откако почна војната, руските сили киднапираа неколку градоначалници, но потоа ги ослободија.