Русија се насочува кон целосно ослободување на Донбас
Објавено во: Свет 25 Март, 2022
Русија ја менува стратегијата и ќе се фокусира на ослободување на Донбас.
Шефот на руската војска, Сергеј Рудској изјави дека ќе се фокусираат на „целосното ослободување“ на источниот регион Донбас. Како што велат од Министерството за одбрана, тоа била една од првичните две опции на „специјалната воена операција“, при што втората се однесувала на целата Украина.
Државните медиуми навестуваат можно намалување на руските воени активности во Украина.
Сергеј Рудској, шефот на главниот оперативен оддел на генералштабот на руските вооружени сили, кажа дека 93 отсто од регионот Луганск и 54 отсто од регионот Доњецк се под руска контрола.
„Русија уништи најголем дел од украинските воздушни и поморски сили и тоа означува успешен крај на првата фаза од конфликтот“, додаде Рудској.
Москва објави дека досега загинале 1.351 војник, а 3.825 се ранети. По втор пат го објавуваат бројот на жртви. Русите во Украина наидоа на отпор, а војуваат веќе 30 дена.
foto EPA