03 Јули, 2020
0.0236

РКЕ доби пофалби од Енергетската заедница

Објавено во: Економија 19 Ноември, 2019

Енергетската заедница даде позитивни оценки за македонскиот енергетски регулатор.

„Регулаторната комисија за енергетика и водни услуги на Република Северна Македонија докажа способност и посветеност да изработи високо квалитетни регулаторни правила во временска рамка дефинирана со Законот за енергетика“, се нотира во „Годишниот извештај за имплементација 2018/2019 година“, објавен од Секретаријатот на Енергетската заедница на 18 ноември годинава.

Регулаторната комисија за енергетика и водни услуги е оценета со 78 отсто и е на првото место од деветте регулаторни тела на земјите-договорни страни на Договорот за основање на Енергетската заедница.

Истовремено, овој извештај нотира дека земјава е „шампион во реформите во сите енергетски сектори“. Вкупниот просек на спроведувањето на реформите е 59 отсто, што ја рангира земјава на второ место од деветте земји кои се споредуваат, односно годишниот пораст на Република Северна Македонија е 10 отсто.

Годишниот извештај за имплементација изработен од Секретаријатот на Енергетската заедница, го прикажува напредокот при спроведувањето и имплементацијата на европското законодавство на земјите-договорни страни на Договорот за основање на Енергетската заедница.

Во изминатите 17 месеци Регулаторната комисија за енергетика успешно го имплементираше Законот за енергетика и Третиот енергетски пакет на Европската унија, преку донесување и одобрување на 33 подзаконски акти, што беше голем предизвик, имајќи ги во предвид кратките рокови и сложеноста на прашањата со кои се регулира енергетскиот сектор. 

„Регулаторната комисија за енергетика и водни услуги на Република Северна Македонија успешно ги спроведе: сертификацикацијата на операторот на електропреносниот систем; правното, функционалното и оперативно раздвојување на операторот на електродистрибутивниот систем; работењето на универзалниот снабдувач со електрична енергија; либерализацијата на пазарите на енергија; намалувањето на цените и тарифите на енергијата и услугите кои ги користат потрошувачите“, се вели во соопштението од Регулаторната комисија за енергетика.


Можеби ќе ве интересира

Шведска сепак профитираше од тоа што не воведе карантин

Шведска сепак профитираше од тоа што не воведе карантин

Ова се топ три градови со најмногу милијардери

Ова се топ три градови со најмногу милијардери

Нова услуга од Халкбанк: Бесконтактно плаќање со Mastercard преку новата апликација HalkPay

Нова услуга од Халкбанк: Бесконтактно плаќање со Mastercard преку новата апликација HalkPay

Германија и покрај епидемијата ја зголемува минималната плата

Германија и покрај епидемијата ја зголемува минималната плата

Чифлиганец се мачи да го изгради најскапоплатениот дом за стари лица на Балканот?

Чифлиганец се мачи да го изгради најскапоплатениот дом за стари лица на Балканот?

КОГА НА КАФЕ СО ПРИЈАТЕЛИТЕ - Комисијата уште долго нема намера да попушти за протоколот

КОГА НА КАФЕ СО ПРИЈАТЕЛИТЕ - Комисијата уште долго нема намера да попушти за протоколот

СЕГА Е ПОБОГАТ ОД БИЛО КОГА: Koлку пари поседува најбогатиот човек на светот?

СЕГА Е ПОБОГАТ ОД БИЛО КОГА: Koлку пари поседува најбогатиот човек на светот?

Поради „тесните грла“ во бразилските пристаништа се вивна цената на шеќерот

Поради „тесните грла“ во бразилските пристаништа се вивна цената на шеќерот

Владо Камбовски стана член на Надзорен одбор на ТТК

Владо Камбовски стана член на Надзорен одбор на ТТК