Rimac автомобили ја поздравија инвестицијата на Порше од 70 милиони евра
Објавено во: Балкан 08 Март, 2021
Порше дополнително ги зголеми своите инвестиции во Rimac автомобили, проширувајќи го својот удел во бизнисот на 24 отсто со дополнителни 70 милиони евра. Порше купи 10 отсто од акциите во бизнисот во 2018 година, пред да го зголеми уделот на 15,5 отсто во 2019 година. Најновата инвестиција го зајакнува статусот на Rimac aвтомобили како лидер во технологиите на електрифицирани возила со високи перформанси, објави компанијата.
Од првата инвестиција на Porsche во 2018 година, тимот на Rimac автомобили двојно се зголеми на скоро 1.000 луѓе, а хрватската технолошка компанија продолжи да произведува некои од најнапредните електрифицирани погонски единици во светот. Rimac автомобили сега работи со многу големи производители на автомобили, вклучувајќи ги Hyundai, Kia, Porsche, Aston Martin, Automobili Pininfarina, Koenigsegg и многу други.
„Порше е голем поддржувач на нашата компанија од 2018 година и отсекогаш беше привилегија да се биде дел од Rimac, едeн од најпознатите светски брендови на спортски автомобили. Горди сме што работиме заедно на нови возбудливи и електрифицирани производи и на фактот дека довербата на Порше во Rimac резултираше со неколку круга инвестиции, што го прави Порше важен акционер на компанијата“, вели Мате Римац, основач и извршен директор на Rimac автомобили.
Мате Римац не инспирира со неговите иновативни идеи, велат од Порше. Мате Римац првпат сонувал да создаде свој електричен суперавтомобил во 2009 година, работејќи во својата гаража во Хрватска. Само две години подоцна Rimac автомобили го откри првиот електричен суперавтомобил во светот. За само 10 години, Rimac автомобили отиде од гаража на глобално ниво.