Рестриктивните мерки на готовс ако состојбата се влошува и понатаму: Први на удар ќе бидат повторно кафулињата?
Објавено во: Македонија 25 Септември, 2020
Во јавноста веќе на големо се зборува дека веќе од
средината на октомври можно е да се намали работното време на кафулињата до
21.00 часот, но од Комисијата за заразни болести за Фактор велат дека
рестриктивните мерки ќе бидат активирани само доколку е потребно, односно ако
епидемиолошката состојба се влоши уште повеќе.
Здравствените власти пред неколку дена пердупредија дека е можно такво сценарио, а денеска од Комисијата за здравство потврдуваат дека тоа се оние исти мерки кои претходно беа донесени и кои важеа до пред рестартирање на работата на кафулињата и останатите угостителски објекти.
-За да не дојде до експанзија на корона вирусот,а во случај состојбата да се влошува секако дека ќе гио воведеме мерките кои беа донесени во изминатиот период. Во ниту еден случај не станува збор за целосно затворање, односно карантини, но мерките ќе се однесуваат на сите места каде што има групни собирања, каде што нема одржување на потребната дистанца и носење маски, велат од Комисијата за заразни болести, уште еднаш потенцирајќи дека тоа ќе биде само во краен случај, ако бројот на новозаразени почне енормно да се заголемува и да се полнат болничките капацитети.
Според Комисијата за заразни болести, богатиот социјален живот и непочитувањето на мерките за заштита придонесуваат висок број на новозаразени на дневна основа.А.Б.