Ребалансот на буџетот се подготвува, зборот на Заев ќе е последен

Добивај вести на Viber

Капиталните инвестиции потфрлија, но заменикот министер за финансии вели дека со буџетот засега се е сјајно. Ширет Елези сепак рече дека се подготвува ребаланс на буџетот, промени за кои последен ќе е зборот на премиерот Зоран Заев кој сега ја врши функцијата министер за финансии.

„Имаме агенда на Владата и врз основа на тоа ја следиме во координација со премиерот, кој е надлежен за реализација на сите владини активности, стратешки документи, проекти и програми, посочи Елези и додаде дека е политичка одлука дали и кога некој ќе биде назначен за нов министер за финансии.

Таа вели дека допрва ќе се разгледува кои капитални проекти ќе ги снема, а кои и какви ќе се додадат. 

„Добра реализација имаат и прогресивниот данок од над 16 отсто, како и ДДВ со над 4,3 отсто заклучно со првите две недели од јули, а зголемени се и придонесите над девет отсто, бруто инвестициите за 9,9 отсто, градежништвото за седум отсто… Реализацијата, ликвидноста и плаќањата се одвиваат во ред, но сигурно ќе се направи анализа кои капитални проекти или, пак, кои проекти треба да се додадат или да се изземат во делот на постојниот планиран Буџет, рече Елези.

Според неа наплатата на даноците и општите приходи во првата половина од годинава е зголемена за 6,6 отсто, односно дека се реализирани 96,2 милијарди денари од планираните 210 милијарди.