Размрдување на домашната оператива: Бетон ангажиран на два тендери

Добивај вести на Viber

Домашната градежна компанија „Бетон“ го доби тендерот од Агенцијата за државни патишта за рехабилитација на државниот пат А2 од Куманово до Страцин за втората фаза. Тендрот е тежок над седум милиони евра и еден од повредените во последниот период. Истата компанија е победеник на јавниот оглас на Дирекцијата за технолошки индустриски развојни зони, па за 1,7 милиони евра ќе треба да ги изведе инфраструктурните објекти односно сообраќајната, хидортехничката, гасоводната и електротеничката инфраструктура за делови од ТИРЗ Скопје 2

Компанијата Бетон се најде меѓу компаниите кои добиле најголеми јавни набавки во последните седум дена. Претходно беше објавено дека Гранит ќе ги гради првите два километри од автопатската делница од Скопје до Блаце и тоа за 14,3 милиони евра.

Ќе успеат ли домашните градежни компании повторно да го фатат редот и да добиваат државни тендери со кои ќе го билдаат градежниот раст, па и вкупниот економски раст. Дел од нив, меѓу кои и Бетон и Гранит имаа солиден колач од државниот буџет за изградба во претходните години. Стопирањето на некои градежни активности, значеше и помала ангажираност на домашните фирми, но извесното размрдување на активностите може да биде исклучително позитивно и за нив и за секторот.

Познавачите велат дека Владата итно треба да превземе мерки за поттикнување на градежниот сектор, затоа што ефектите ќе бидат повеќекратни – тоа ќе влијае на раст на економијата и ќе ја спречи емиграцијата. Стопанството бара државата да се фокусира на зголемување на капиталните инвестиции, но и да креира нови конкрентни проекти со кои ќе се ангажира домашната градежна оператива.

А.Т.