РАСТЕ БРОЈОТ НА ЗАРАЗЕНИ: Италија ги враќа рестрикциите

Добивај вести на Viber

Италија ги заостри мерките во пет од дваесет региони. 

Земјата воспостави четиристепен систем означен со бои (бела, жолта, портокалова и црвена) што овозможува мерките да се приспособат зависно од нивото на инфекција. Проценките се ревидираат секоја недела. Првпат од крајот на јануари, два региона – Базиликата и Молизе – се ставени во најстрогата црвена зона. Ова значи затворање на баровите и рестораните, строго ограничување на движењето и затворање на сè, освен продавници за храна. Три региони се префрлија од жолта во портокалова зона: Ломбардија и Пиемонт, каде се наоѓаат богатите северни градови Милано и Торино и крајбрежниот регион Марке. Tаму рестораните и баровите се затворени, освен за храна и пијалок за носење и на луѓето не им е дозволено да ги напуштаат своите градови, освен во итни случаи, поради работни и здравствени причини.

Островот Сардинија е првиот регион прогласен за бела зона, каде што има само минимални ограничувања. Во Италија расте бројот на заразени. Во текот на изминатите пет дена, новите случаи се зголемија за 35 проценти во споредба со истиот период минатата недела.  По бројот на потврдени случаи на коронавирусот, Италија во светски рамки е на осмото место. Заразени биле скоро 3 милиони луѓе.