Распишан тендер за новата зграда на општина Центар

Добивај вести на Viber

Објава за отуѓување на државно градежно земјиште каде што се наоѓа во општина Центар, распиша министерството за транспорт и врски.  Понудувачот кој ќе ги задоволи критериумите на јавното надавање ќе треба на свој трошок да го изгради објектот, кој 51 процент ќе биде наменет за потребите на локалната самоуправа, а 49 проценти за комерцијални и деловни намени. Исто така согласно одлуката на Советот на општина Центар и одлуката на Советот на Град Скопје, понудувачат ќе биде ослободен од плаќање надоместок за комуналии за изградба на објектот. - Најповолниот понудувач на електронското јавно надавање ќе биде должен на свој трошок да го изгради објектот со намена „локална самоуправа“ и по изградбата, без надомест, да го предаде во владение на општина Центар, истакна денеска на прес-конференција портпаролот на Министерството, Драган Симоновски. Почетната цена на електронското јавно надавање  кое ќе се одржи на 26 ноември ќе биде 2.800 денари за метар квадратен, а право на учество имаат сите физички и правни лица кои ги исполнуваат условите од објавата, крајниот рок зе пријавување е 19 ноември. Министерството за транспорт распиша и објава за отуѓување градежно земјиште за изградба на комерцијални и деловни објекти во Реонскиот центар во општина Аеродром со вкупна површина од 4.259 метри квадратни. Дел од објектот треба да служи како административна зграда на општината Аеродром. Пријавите треба да се достават најдоцна до 1 ноември.