Работници организираат протест во „Бучим“ по смртта на двајцата алпинисти
Објавено во: Економија 16 Октомври, 2021
До редакцијата на „Фактор“ попладнево стигна известување од работниците на рудникот „Бучим“ дека се организира протест.
Како причина за незадоволството се наведуваат малите плати и лошите услови за работа, а чашата се прелеала по смртта на двајцата алпинисти додека ги чистеа недостапните места на еден од силосите на рудникот од Радовиш. Од таму велат дека директорите немаат грижа на совест за ваквото несоодветно работење.
„Бучим“ е еден од двата најголеми рудници во Македонија. За минатаат година се најде на 14.место меѓу македонските компании по остварени приходи. Реализирани се 43,6 милиони евра, од кои 13,3 милиони евра се добивка. Профитот во споредба со претходната година пораснал за 30,5 отсто.
Македонската алпинистичка федерација ги објави имињата на двајцата алпинисти на локалниот клуб „Плоча“ од Радовиш кои загинаа во средата чистејќи го едниот силос на рудникот „Бучим“ и изрази сочувство до нивните семејства.