ПУТИН ОД ЦРВЕНИОТ ПЛОШТАД ИМ ПОРАЧА НА НОВИТЕ РЕГИОНИ: Русија ви го отвора срцето

Добивај вести на Viber

Рускиот претседател Владимир Путин вечерва на собирот одржан на Црвениот плоштад, по повод референдумот за анексија на четири украински региони, изјави дека Русија ќе победи во Украина и им порача на сонародниците од таа земја дека се „добредојдени дома“.

„Русија не само што ја отвора вратата од нашиот дом за нашите браќа и сестри, туку им го отвора своето срце. Добредојдовте дома“, им порача Путин на неколку илјади луѓе собрани на централниот плоштад во Москва.

Шефот на руската држава одржа говор на Црвениот плоштад во чест на резултатите од референдумот за пристапување на Русија во регионите ДНР, ЛНР, Херсон и Запорожје, на кој минатата недела се одржа референдум за пристапување, кој секако Украина и Западот не признаваат.

„Со децении се обидуваа да ја искоренат нивната историска свест од овие луѓе, да ги уништат нивните традиции, да им забранат да зборуваат на својот мајчин јазик, да ја забранат нивната култура - не успеаја. „Овие луѓе ја носеа љубовта кон својата историска татковина во своите срца и ја пренесоа на своите деца“, рече Путин.

„Сега сме посилни бидејќи сме обединети“, ги цитираат западните агенции зборовите на Путин.

Руската анексија на украински територии денеска ја осудија лидерите на западните земји, а Украина официјално побара итен прием во НАТО.

Украинскиот претседател Володимир Зеленски соопштувајќи ја таа одлука рече дека Киев е подготвен за разговори со Русија, но не додека Путин е на чело на земјата.