Просечната плата во март надмина 30 илјади денари
Објавено во: Финансии 20 Мај, 2022
Просечната месечна исплатена нето-плата по вработен, во март 2022 година, изнесува 31.080 денари. Ова го објави Државниот завод за статистика, од каде беше наведено дека индексот на просечната месечна исплатена нето-плата по вработен во март 2022 година, во однос на март 2021 година, изнесува 110.1.
- Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Финансиски дејности и дејности на осигурување (21,4 отсто), Уметност, забава и рекреација (20,2 проценти) и Објекти за сместување и сервисни дејности со храна (19,5 отсто) - пишува во соопштението на ДЗС.
Зголемување на просечната месечна исплатена нето-плата по вработен, во однос на претходниот месец, е забележано во секторите: Финансиски дејности и дејности на осигурување (16,9 отсто), Рударство и вадење на камен (13,5 проценти) и Преработувачка индустрија (7,1 отсто).