Пропадна најстарата туристичка агенција во светот, 600.000 туристи останаа заглавени
Објавено во: Финансии 23 Септември, 2019
Томас Кук, најстарата светска туристичка агенција,објави крај на своето работење поради огромните долгови и стотици илјади туристи се најдоа заглавени во странски земји, бидејќи нивните хотели и летови не беа платени.
Главниот извршен директор на компанијата, Питер Фанкхаузер, рече дека жали што бизнисот пропаднал откако не успеале да позајмат средства за деловна помош.
Британскиот орган за цивилно воздухопловство (ЦАА) објави дека ќе работи со владата за да донесе повеќе од 150.000 британски туристи дома во следните две недели.
„Би сакал да им се извинам на милиони наши клиенти и илјадници вработени, добавувачи и партнери кои не поддржуваа многу години“, рече Франкхаузер.
Владата и регулаторот за воздухопловство најавија дека ќе има некои пречки бидејќи станува збор за голема криза.
„Томас Кук ја замрзна својата работа и сите негови летови се откажани“, наведува ЦАА.
Станува збор за една од најстарите британски компании што започна да работи во 1841 година и преживеа две светски војни. Тоа беше првата агенција во Европа што понуди аранжмани за патувања.
Компанијата сега има хотели, одморалишта и авиокомпании кои ги користат 19 милиони луѓе годишно во 16 земји. 600.000 луѓе во моментов се во странство, поради што нивните влади и осигурителни компании треба да изготват план да ги вратат дома.
Томас Кук се обрати до Високиот суд во Лондон, откако преговорите за дополнително финансирање пропаднаа поради огромните долгови од 2,1 милијарди долари.
Компанијата соопшти дека бара 250 милиони американски долари за да се избегне банкрот, и беше во преговори со акционерите и доверителите.
Томас Кук се соочи со конкуренција на Интернет, променливиот пазар и геополитички настани што влијаеја на летната сезона. Минатогодишниот топлотен удар во Европа, исто така, влијаеше на бизнисот, при што клиентите ги откажаа аранжманите.
Туристите сега се заглавени во странски земји затоа што нивните хотели не се платени, на локации како Гамбија и Грција.
На долг рок, колапсот на компанијата би можел да ги погоди економиите на Шпанија и Турција, кои се нејзините најголеми дестинации, и да остави добавувачи на гориво без пари и да предизвика стотици туристички агенти да ги загубат своите работни места во Велика Британија.
Можеби ќе ве интересира
САМО НЕБОТО Е ЛИМИТ ЗА МАКЕДОНСКИТЕ БАНКИ! Која од нив објави 19 милиони евра профит за три месеци?
ОВА СЕ ЧЕТИРИТЕ НАЈГОЛЕМИ УЛТРА ИНТИМНИ ВИП НАСТАНИ КАДЕ ОДАТ НАЈБОГАТИТЕ: Тука тешко е да присуствува обичен човек
РАБОТАТ ОД ДОМА, А СААТНИЦАТА ДОСТИГНУВА 200 ЕВРА: Ова е список на работни места за кои многумина сонуваат
МАКЕДОНЦИТЕ ПОЧНАА МАСОВНО ДА ОДАТ ВО ГРЦИЈА: Еве ги цените во предсезоната
АМЕРИКА МОЖЕ ДА СЕ СООЧИ СО СТАГФЛАЦИЈА: директорот на JPMorgan Chase предупредува „економијата на САД се враќа на проблемите од 70-тите“
ВТОР МЕСЕЦ ПО РЕД ПАЃААТ - проесечната нето плата 39.276 денари, еве во кои сектори има најголемо намалување
АКО ВЕЌЕ „ГЛАВАМ“ ВО БАНКА, БАРЕМ НЕКА БИДЕ ЗА ДА СИ КУПАМ СТАН - голем пораст на станбените кредити, еве колку должат граѓаните
ДА СЕ ОДАНОЧАТ ТРИТЕ ИЛЈАДИ НАЈБОГАТИ ВО СВЕТОТ, А ПАРИТЕ ДА ОДАТ ДИРЕКТНО КАЈ СИРОМАШНИТЕ - еве го планот на една нобеловка
ЕВЕ КАДЕ ГИ ВЛОЖУВААТ СВОИТЕ ПАРИ 0,001 ПРОЦЕНТ ОД НАЈБОГАТИТЕ: Живеат поинаку од остатокот од светот
