Продолжува „војната“ во техничката Влада, поништени решенијата на Мизрахи
Објавено во: Македонија 22 Јануари, 2020
Владата синоќа објави дека е донесена одлука за поништување на решенијата за разрешување од должност и именување на в.д. директори во јавните установи - меѓуопштински центри за социјална работа во Штип, Битола, Пробиштип, Валандово, Прилеп и Радовиш донесени од страна на техничката министерка за труд и социјална политика Рашела Мизрахи.
- Одлуката на техничката министерка Рашела Мизрахи за разрешување и именување на в.д директори на центрите за социјална работа е донесена спротивно на чл.46 став 2 од Законот за Влада: „Дополнителниот заменик на министерот заедно и рамноправно со министерот учествува во остварувањето на надлежностите предвидени во Законот за организација и работа на органите на државната управа”, се вели во соопштението на Владата.
Од таму велат дека актите немале потпис од заменик министерката Санела Шкриељ и дека целта на техничкиот министер и на дополнителниот заменик- министер во МТСП треба да биде организација на параментарните избори и дека сите правни и кадровски прашања потребно е заедно и рамноправно да се разгледуваат и за истите заедно и рамноправно да се носат одлуки односно да се одобруваат
- Техничката министерка спротивно на Законот и со притисок врз вработените во архива (со писмена наредба) ги донела решенијата за разрешување и решенијата за именување на други вршители на должност директори во јавни установи - меѓуопштински центри за социјална работа, се додава во објавата на Владата.
Засега единствено се огласи само заменичката Шкриељ.- Времето на злоупотреба и притисоци врз центрите за социјална работа и корисниците на права заврши. Интересот на нашите корисници секогаш ќе ни биде приоритет и нема да дозволиме никој да го загрози тоа, искоментира таа на социјалните мрежи.
Можеби ќе ве интересира
ФАКТОР НА ДЕНОТ: Почна кампањата за парламентарните избори, ветувања за подобар живот за граѓаните
ВАНКОВСКА: Ќе се заложам за намалување на воениот буџет
СТО НАЈВЛИЈАТЕЛНИ ЛИЧНОСТИ ВО СВЕТОТ СПОРЕД „ТАЈМ“: На листата се најде Македонката Светлана Мојсов
МИНИСТЕРСТВО ЗА ЗДРАВСТВО ДО СПЕЦИЈАЛИЗАНТИТЕ: Решение ќе има после изборите
КОВАЧЕВСКИ ЗА ИЗЈАВАТА НА ОСМАНИ ЗА ОТВОРЕН БАЛКАН: Политичарите како во избори, даваат изјави што треба, што не треба
Доживотен затвор за убиената жена во Кочани со 40 убоди со нож
ДУИ на симулирана седница ги избра Бујар и Села за претседатели и направи уставни измени
СОНК: Иако е период на избори, најверојатно ќе почне генерален штрајк во установите од културата
ГЕСТ ЗА ПРИМЕР И ПОЧИТ! Која фирма за свои сограѓани од Свети Николе ќе даде над 250.000 евра?
