Премиера на евровизиската „Империја“
Објавено во: Стил 27 Февруари, 2013
Македонската телевизија вечер во 20:45 часот премиерно ќе ја прикаже песната „Империја“ на Есма Реџепова и Влатко Лозановски, која ќе ја претставува Македонија на „Евровизија 2013“ во Малме.
Автори на музиката и аранжманот на песната се Симеон Атанасов и Дејан Момироски, а текстот го напиша Борче Нечовски.
Во емисија во новоопремено студио на МРТ ќе биде прикажан и официјалниот спот на евровизиската „Империја“, а Реџепова и Лозановски ќе се претстават и со неколку свои песни, придружувани од народниот оркестар и Биг бендот.
Македонската телевизија најави богата музичка програма со повеќе гости и многу разговори поврзани со „Евровизија“. Ќе гостува и минатогодишната евровизиска претставничка Калиопи Букле, која ќе го пренесе своето искуство од натпреварот во Баку.
Можеби ќе ве интересира
Мемедоски е македонскиот претставник на „Светскиот избор за Мис и Мистер за глуви“ во Прага: Бог ме направил различен од другите, но ми подарил повеќе таленти
