Преку проектот „Прашај го министерот“ Димитров ќе ги запознава граѓаните со Договорот од Преспа
Објавено во: Македонија 16 Август, 2018
Oд следната недела ќе почне проектот „Прашај го министерот“ и секој четврток министерот за надворешни работи, Никола Димитров ќе одговара на прашања од граѓаните поставени преку социјалните мрежи.
Во текот на неделата граѓаните ќе поставуваат прашања, а секој четврток приквечер Димитров ќе ги одговара на истите преку снимка во живо на социјалните мрежи.
Целта е да се запознаат граѓаните со детали од Договорот со Грција, да се расчистат дилемите и заблудите.
„Уште сега им се извинувам на граѓаните затоа што следниот период често ќе ме гледаат по екраните, во нивни домови и градови и населени места“- рече Димитров.