Пред Европската комисија се вее македонското знаме
Објавено во: Македонија 16 Октомври, 2019
Пред седиштето на Европската комисија во Брисел утрово е поставено македонското знаме, иако земјава вчера не доби датум за старт на преговори со Европската Унија.
Фотографијата на својот Твитер профил ја објави Махрин, кореспондент на угледниот „Фајненшл Тајмс“ од Брисел, кој пишува дека поставувањето на македонското знаме е во знак на солидарност со Македонија.
Bчера во Луксембург беше соопштено дека Франција не дала зелено светло за почеток на преговорите со Македонија и Албанија, додека не се направат реформи на методологијата на преговарачкиот процес. Конечната одлука за тоа дали ќе добиеме датум за преговори или не, се очекува утре, кога на маса ќе седнат европските лидери. Македонија е во голема неизвесност, и покрај тоа што го реши спорот со името, кој претходно се наведуваше како пречка за евроинтеграциите.
After Macron's accession veto, the flags outside the @EU_Commission are showing solidarity with Northern Macedonia today pic.twitter.com/FHEZFIvDES
— Mehreen (@MehreenKhn) October 16, 2019