Пратеник на „Златна зора“ бара потпис од Ѓорѓе Иванов

Добивај вести на Viber

Пратеникот на нео-нацистичката Златна зора, Илиас Касидиарис, денеска во грчкиот парламент побара да не се прифаќа Преспанскиот договор бидејќи истиот нема потпис од македонскиот претседател Ѓорѓе Иванов при службеното објавување на ратификацијата на спогодбата од македонска страна.

Касидиарис реагираше дека не е доставена целата содржина на Уставот, имаше приговори и во однос на составот на Комисијата, а истакна дека за неговата партија процесот е нелегален, бидејќи нема потпис од претседателот Ѓорге Иванов.

Тој е два пати осудуван на затворкси казни во 2011 и 2014 од кои еднаш за повик за злосторство, а другиот пат со поседување на огнено оружје. Зад него има и други шокантни дела, меѓу кои и напад на пратеничка.

Дебатата се одвиваше во рамки на Комисијата за надворешни работи и одбрана во грчкиот Парламент во однос на нацрт законот според кој се ратификува и стапува на сила Договорот од Преспа.

Оратеници од владеачката СИРИЗА објаснуваа дека договорот е национално корисен, Секој од пратениците, членови на Комисијата имаше на располагање седум минути за да го изрази неговиот став.

Комисијата за национална одбрана и надворешни работи, како што веќе објави МИА ја сочинуваат 56 членови, од кои 27 од СИРИЗА, 14 од Нова демократија, четири од Демократска алијанса (Демократска левица- ПАСОК), три од Златна зора, исто толку од Комунистичка партија на Грција, а по еден претставник имаат Независни Грци, Река и Сојуз на централисти, додека пак учествуваат и двајца независни пратеници.

Комисијата по завршувањето ќе изготви извештај, а потоа, во среда и четврток за нацрт законот ќе расправа Парламентот на пленарна седница, по што ќе следи и гласањето.

Талат Џафери, претседателот на македонското Собрание, минатата недела го објави Законот за ратификација во службен весник,. половина година откако беше изгласан, но без потпис од Иванов. На местото на потписок на анексот стоеше фуснота дека македонскиот претседател постапил противуставно.