29 Март, 2024
0.0261

Познато за што ќе се трошат 50-те милиони евра што ќе ни ги даде ТАВ Македонија

Објавено во: Економија 18 Декември, 2020

Добивај вести на Viber

Објавени се проектите со точните суми на пари чија изградба ќе треба да биде финансирана од 50-те милиони евра на ТАВ Македонија во договорот за пренамена на средствата што требаше да се потрошат за карго аеродромот во Штип, инаку обврска која операторот ја превзеде со добивањето на концесијата над аеродормите.

Станува збор за сума од точно 49.743.119 евра од Договорот за концесија склучен во 2008 година. За промената на намената на дел од средствата е добиена согласност на 30 ноември годинава од ТАВ Македонија како инвеститор и ТАВ Хавалиманлари Холдинг како референтен оператор.

Најмногу пари од 98-те проекти, архивирани на 11 декември, ќе добие  АД за изградба и стопанисување со станбен и деловен простор. За 904.050.000 денари ќе треба да го подобри терминалот на Аеродром Скопје и да го модернизира и прошири терминалот на Аеродром Охрид. Град Скопје ќе добие 204 милиони денари за проектот кај Mомин Поток Петља и 178,5 милиони денари за изградба на мостот Карпош. 

За регулација на Светиилијскиот порој, Општина Струмица ќе добие сума од  86.7 милиони. За Штип има 78.287.911 денари за резервоар на ридот Мерите на реката Брегалница. Шуто Оризари за атмосферска канализација ќе има 72.673.464 од овие пари.Општина Струга ќе добие 66.961.675 денари за патишта, а Чаир  62.580.373 денари за реконструкција на водоводна и канализациона мрежа на улица Џон Кенеди и во населба Серава.  На Битола и се одобрени 50,15 милиони денари за водовод и канализација во населбата АРМ. 

Општина Охрид ќе го проширува Кејот за 38.25милиони денари, а Карпош че уредува пешачка зона во Порта Влае за 25.5 милиони. Сарај ќе добие пари за два проекта, од кои едниот ќе чини 46 милиони денари  за патот Букович - Раовиц. Нешто помалку ќе добие Кочани за потисен цевковод од пумпна станица. Има и 35,7 милиони денари за доизградбата на градинката Свети Климент Охридски во Бутел, 40,54 милиони денари за  реконструкција на главен довод на Пашовски ливади до собирна шахта за град Прилеп, вакумска фекална канализација со пречистителна станица во Јурумлери во Гази Баба од 40 милиони денари, 40,6 милиони денари ќе бидат искористени за фекален канализационен систем во село Сушица во Општина Ново Село. Општина Тетово ќе го гради патот Благоја Тоска за 42.64, а Куманово ќе треба да гради фекален колектор за Сопот, Табановце и Четирце за 47,75 милиони денари.

Има и голем број други проекти кои вредат околу или помалку од 300.000 евра, а станува збор главно со водоснабдување, изградба на локални патишта, улици, канали, фекални канализации, реконструкции и изградба на училишта, домови, речни корита, капела, центар за бездомни кучиња, спортска сала, колектори, цевководи, реконструкција на болница итн.

ТАВ Македонија ќе биде изведувач на овие проекти. Евентуалната позитивна разлика помеѓу проектираната и изведбената цена ќе биде уплатена на посебна сметка во Генералниот секретаријат на Владата за чистење на индустрискиот токсичен отпад (линдан) во поранешната фабрика ОХИС во Скопје.

„Реализацијата се определува на начин што концесионерот ТАВ Македонија Илинден во својство на изведувач ќе ангажира компании коишто ќе бидат извршители на проектите“, се вели во одлуката.

А.К.

Можеби ќе ве интересира

ПРЕТСЕДАТЕЛОТ НА УО НА „ГРАНИТ“ СТРАШО МИЛКОВСКИ СЕ СТЕКНА СО 4.200 АКЦИИ - исто толку нови акции има и Ивана Милковска Симева, претседател на НО

ПРЕТСЕДАТЕЛОТ НА УО НА „ГРАНИТ“ СТРАШО МИЛКОВСКИ СЕ СТЕКНА СО 4.200 АКЦИИ - исто толку нови акции има и Ивана Милковска Симева, претседател на НО

ДОМАШНОТО ПРОИЗВОДСТВО НА МЛЕКО СЕ НАМАЛИЛО ЗА НАД 25 ПРОЦЕНТИ: статистика изброја и помалку говеда

ДОМАШНОТО ПРОИЗВОДСТВО НА МЛЕКО СЕ НАМАЛИЛО ЗА НАД 25 ПРОЦЕНТИ: статистика изброја и помалку говеда

БОГАТАШИТЕ И НИВНИТЕ ТЕЛЕФОНИ - ANDROID ИЛИ IPHONE: Овие видови мобилни ги користат Гејтс, Закерберг, Бафет и Безос

БОГАТАШИТЕ И НИВНИТЕ ТЕЛЕФОНИ - ANDROID ИЛИ IPHONE: Овие видови мобилни ги користат Гејтс, Закерберг, Бафет и Безос

ПОЗНАТИОТ ГОТВАЧ ЏЕЈМИ ОЛИВЕР ОТВОРИ РЕСТОРАН ВО НАШЕТО СОСЕДСТВО - еве каде точно се наоѓа и какви се цените

ПОЗНАТИОТ ГОТВАЧ ЏЕЈМИ ОЛИВЕР ОТВОРИ РЕСТОРАН ВО НАШЕТО СОСЕДСТВО - еве каде точно се наоѓа и какви се цените

ПЛАТЕНИ СЕ 45 ИЛЈАДИ ЕВРА ЗА 27 АКЦИИ НА „РЕПЛЕК“ - кој е инвеститорот во фармацевтската компанија

ПЛАТЕНИ СЕ 45 ИЛЈАДИ ЕВРА ЗА 27 АКЦИИ НА „РЕПЛЕК“ - кој е инвеститорот во фармацевтската компанија

Од 1 април зголемена минимална плата во Грција

Од 1 април зголемена минимална плата во Грција

ДУИ со експанзија во угостителството

ДУИ со експанзија во угостителството

ПРОДАЖБАТА НА ВИНО ДОНЕСЕ ПРИХОДИ ОД 950 ИЛЈАДИ ЕВРА, НО ОВА НЕ БЕА ЛЕСНИ ДЕНОВИ ЗА „ПОПОВА КУЛА“ - скапа струја и шишиња, недостиг од работници...

ПРОДАЖБАТА НА ВИНО ДОНЕСЕ ПРИХОДИ ОД 950 ИЛЈАДИ ЕВРА, НО ОВА НЕ БЕА ЛЕСНИ ДЕНОВИ ЗА „ПОПОВА КУЛА“ - скапа струја и шишиња, недостиг од работници...

КИНЕЗИТЕ ДОБИВААТ УШТЕ ДВЕ ГОДИНИ РОК ЗА ИЗГРАДБА НА АВТОПАТОТ КОН ОХРИД: измените на законот пред пратениците, кој ќе го гласа?

КИНЕЗИТЕ ДОБИВААТ УШТЕ ДВЕ ГОДИНИ РОК ЗА ИЗГРАДБА НА АВТОПАТОТ КОН ОХРИД: измените на законот пред пратениците, кој ќе го гласа?