Познатата Атиџе кажа зошто се онесвестила
Објавено во: Македонија 24 Септември, 2020
Атиџе Муратова, хероината од филмот „Медена земја“ беше гостинка на отворањето на фестивалот „Денови на македонскиот мед 2020“, при што таа се онесвестила, како што изјави за ММС, од глад.
Не можела да јаде затоа што деновиве многу се нервирала, а веднаш по нејзиното онесвестување, била повикана екипа на Брза помош.
Не почувствувала ништо, наеднаш ѝ се свртело, а од падот се повредила малку на главата.
Во моментот, како што вели, е кај пријател на гости и се чувствува добро.
Таа се заблагодари на сите што ѝ помогнале, и на лекарите и на министерот за земјоделство, пишува ММС.
Неодамна таа се пожали дека има проблем со агресивниот сосед, кого го пријавила во полиција, по што реагираше и градоначалникот на Лозово, Ацо Велковски.
Соседот му ветил на градоначалникот дека повеќе нема да ја вознемирува Атиџе.