ПОЗНАТА ПО БРЕНДОВИТЕ HAPPY DAY, BRAVO, RAUCH ICE TEA, СЕГА ЈА КУПУВА И МАКЕДОНСКАТА ВИТА-РЕС: Која е австриската компанија која работи на три стратешки бизнис полиња?

Добивај вести на Viber

Една од најуспешните европски компании за производство на сокови, австрискиот гигант „Раух“ (Rauch Fruchtsafte GMBH), сака да стекне самостојна контрола врз македонската компанија „Вита-рес“, соопшти Комисијата за заштита конкуренцијата.

-На 25.07.2024 година, до Комисијата за заштита на конкуренцијата е доставено известување за концентрација со која РАУХ ФРУЦХТСАФТЕ ГМБХ, со седиште на ЛАНГГАССЕ 1, 6830 Ранквеил, Република Австрија, има намера да стекне самостојна контрола над Друштво за производство трговија и услуги ВИТА РЕС ДОО УВОЗ-ИЗВОЗ РЕСЕН.

Во целина, Групацијата на претпријатија РАУХ ФРУЦХТСАФТЕ зазема три стратешки бизнис полиња. Покрај производството и продажбата на Раух брендовите од “Happy Day“ до “Bravo“, “Nativa“ и “Rauch IceTea“, Раух е етаблиран и во B2B сегментот. Во рамките на оваа гранка, компанијата Раух ја има улогата на производител и продажна компанија за интернационалните купувачи на овошни концентрати и полу-производи. Третото поле се однесува полнењата по лиценца. Како добавувач на услуги, Раух полни за други производители на пијалаци со својата екпертиза и врвни системи и линии за полнење на лименки, ПЕТ (пластика), картонски (пр. Тетра Пак) и стаклени шишиња. РАУХ ФРУЦХТСАФТЕ моментално има контрола над повеќе друштва што може да се утврди од ВИТА РЕС, директно е активен во сектор за преработка на овошје и производство на производи добиени од обработката на овошјето (овошни концентрати, овошно пире и овошни смрзнати коцки).

Вита Рес нема контрола во други друштва, но оваа македоска компанија пласира производи на пазарот во Европа и секако во нашата земја. Активностите на компанијата се во сектор за преработка на овошје и производство на производите добиени од обработката на овошјето и зеленчукот (овошни концентрати, овошно пире и овошни смрзнати коцки) се наоѓаат во Република Северна Македонија.

Вкупен приход на ВИТА РЕС остварен во Северна Македонија е поврзан во главно со продажба на полу-готови производи добиени од обработката на овошјето (овошни концентрати, овошно пире и овошни смрзнати коцки).

-Подносителот на известувањето, предлага, како релевантен пазар за оценка на предметната концентрцаиј да се дефинира пазарот за преработка на овошје и производство на полу-готови производи од овошје (овошни концентрати, овошно пире и овошни смрзнати коцки). Врз основа на прелиминарното испитување Комисијата утврди дека предметната концентрација може да потпадне под одредбите на Законот за заштита на конкуренцијата. Сепак конечната одлука по ова прашање е резервирана. Комисијата ги повикува заинтересираните трети страни да достават забелешки и мислења за оваа концентрација до Комисијата. 

фото: YouTube/Print Screen