Потрагата во Турција запре, Истанбул очекува силен земјотрес
Објавено во: Балкан 27 Јануари, 2020
Во Турција е прекината спасувачката операција по земјотресот од петокот, во кој загинаа 41 лице.
Акцијата е прекината затоа што припадниците на службата за вонредни ситуации го пронашле последното тело на лицето по кое се трагало.
Досега од под урнатините се извлечени и спасени 45 лица.
Земјотрес со интензитет од 6,8 степени ја погоди провинцијата Елазиг, на околу 550 километри источно од Анкара, како и во соседна Малатија.
Повеќе од 1.600 луѓе се повредени, од кои 86 се задржани во болница, но никој не е во животна опасност.
Училишта и џамии сега користат како засолништа.
Министерот за урбанизација Мурат Курум изјави дека властите почнале со уништување на 22 оштетени згради во Елазиг, а до крајот на годината ќе биде завршена изградбата на 2.000 куќи.
Турската влада се подготвува за да се справи со евентуален силен земјотрес во Истанбул. Министерот за внатрешни работи на Турција, Сулејман Сојлу за Си-Ен-Ен Турк даде изјава во која вели дека се очекува земјотрес од 7.5 степени во Истанбул.