Потег за пример! Која банка за шест месеци вработените ги награди со пола милион евра повеќе од лани?

Добивај вести на Viber

УНИ Банка за шест месеци исплати 4 милиони евра на вработените што значи дека во нивната лојалност вложи половина милион евра повеќе од истиот период лани. Банката ја зајакнува својата пазарна позиција ги зголеми нето приходите од камати, а добивката за половина година е 2,55 милиони евра

УНИ Банка има подобро деловно полугодие (јануари – јуни) годинава во споредба со истиот период лани. Со тоа оваа банка го продолжува трендот на раст на бизнисот и подобрување на пазарната позиција, покажуваат финансиските податоци за првите шест месеци годинава достапни на СЕИ НЕТ сервисот на Македонската берза.

Нето приходите од камати остануваат да бидат најголема приходна ставка и тие се поголеми за половина милион евра од истиот период лани. На крајот на јуни од нето приходи од камати УНИ Банка остварила 9,73 милиони евра.

Од втората најголема приходна ставка која се однесува на провизиите и надоместоците од банкарски услуги банката остварила приход од 2,21 милиони евра за шест месеци. Тоа е за 263.000 евра помалку во споредба со истиот период лани. Намалувањето веројатно значи дека банката ја зголемува својата лојалност кон коминтентите и деловните партнери и тоа во услови кога поголем дел од конкуренцијата ги зголемува цените на овие услуги. Од деловен аспект гледано ова е рационален потег што ја зголемува довербата и лојалноста на клиентите.

Нето приходите од курсни разлики изнесуваат околу 400.000 евра и се на исто ниво како и лани. Значајно зголемување има кај останатите приходи од дејноста кои изнесуваат над 600.000 евра и се за 147.000 евра повисоки од истиот период во претходната година.

Вредна за истакнување, од анализата на податоците, е грижата на банката за нејзините вработени. За првите шест месеци банката за вработените издвоила 4 милиони евра. Тоа значи дека годинава за задоволни вработени банката издвоила половина милион евра повеќе од лани.

Банката годинава, во првото полугодие, издвоила 3,83 милиони евра резервации за кредити и тоа е 55 отсто повеќе од истиот период лани. Токму овој параметар влијаел на тоа банката во првите шест месеци годинава да има помала добивка од истиот период лани. Доколку дојде до отпис на резервациите тоа по автоматизам значајно може да ја зголему добивката од работењето.

Добивката за шест месеци е 2,55 милиони евра. Односно 9,3 евра по акција.

Од биланост на состојба се заклучува дека нема промени во деловната стратегија. Нивото на кредитирање на крајот на јуни е 278,5 милиони евра што е за нијанса помалку од состојбата на крајот на декември лани. Слична е и состојбата со вложувањата во хартии од вредност. Тие се на ниво од 68,1 милиони евра што е речиси идентично со состојбата на крајот на 2023 година.

Вредноста на депозитите на коминтенти (со исклучок на банки) изнесува 333,5 милиони евра.