Поскапувањата во Србија поттик за масовни протести

Добивај вести на Viber

Масовен штрајк поради поскапувањата во Србија, доколку владата за три седмици не се погрижи да ги врати старите цени на прехрамбените производи и енергенсите, предупреди челникот на Сојузот на синдикати во оваа земја Љубислав Обровиќ. Поскапувања во Србија следеа откако на 1-ви октомври стапи на сила одлуката на владата за зголемување на данокот на додадената вредност (ДДВ) од 18 на 20 отсто,  дел од првиот пакет мерки на новата српски власт за стабилизирање на јавните финансии. „Со зголемувањето на ДДВ-то не се опфатени основните животни продукти, така што зголемувањето на цените овие денови е неоправдано. Ќе ѝ дадеме на владата 15 до 20 дена да ги врати цените на нивото од пред 1-ви октомври. Доколку тоа не го стори, ќе ги повикаме граѓаните на масовни протести низ цела Србија", изјави Љубисав Орбовиќ, претседателот Сојузот на самостојните синдикати на Србија. Српскиот народ најмногу го почуствува посакувањата на месото, при што пилешкото поскапо за од околу 2,4 на 3,2 евра, свинскиот бут од 4,40 на 6,2 евра, а јунешкиот бут од 5,40 на 6,7 евра. Маслото за готвење има повисока цена од 1,2 на 1,8 евра, а месечниот билет за градскиот сообраќај во Белград од околу 26 на 32 евра. „Она што некогаш претставуваше храна за сиромашните, сега е мислена именка за многу семејства. Куповната моќ на српското население е драстично опадната", предупреди Орбовиќ и ги предупреди српските политичар кои се сега на власт, дека пред изборите ветуваа дека ќе воспостават контрола врз цените. Според здружението на потрошувачите не постои никакво економско оправдување за новите  поскапувања, сметаат дека станува збор за „злоупотребите на монополистичката позиција" на одредени произведувачи и трговски синџири.  Сепак многумина го искористија зголемувањето на ДДВ-то за поскапувањата, министерот за трговијата Расим Љајиќ реагираше со предупредување дека власт „по тоа прашање нема да седи со скрстени раце", но не прецизираше што владата ќе стори. Владата во Србија на 10-ти септември го усвои првиот пакет мерки за стабилизација на јавните финансии, меѓу кои и зголемување на ДДВ-то 18 на 20 отсто, како и укинување на 130 парафискални намети и даноци. Со овој пакет мерки платите во јавниот сектор се ограничени на 162 илјади динари или околу 1.400 евра. Овие мерки според министерот за финансии и стопанство на оваа земја би требало да резултираат со заштеди од околу 26 милијарди динари во последниот квартал од 2012 година и 120 милијарди динари во 2013 година.