Поскапеа горивата: Возиме најевтин дизел, ама бензините ни се поскапи од некои земји членки на ЕУ
Објавено во: Економија 19 Јануари, 2021
Од синоќа на полноќ возиме на поскапи горива. Се зголемија цените и на дизелот и на бензините.
Бензинот Еуросупер БС-95 и дизелот поскапе за еден денар по што литар еуросупер од 95 октани чини 63 денари додека малопродажната цена на Еуродизел изнесува 54,5 денари за литар.
Малопродажните цени на бензинот Еуросупер БС-98 и на екстра лесното масло за домаќинство се зголемија за денар и половина. Од полноќ цената на Еуросупер БС-98 изнесува 65 денари за литар додека литар екстра лесното масло за домаќинство се продава за 54,5 денари.
Споредба на цените со некои земји од Европската Унија покажуваат дека во Македонија дизелот е најевтин, но еуросуперот кај нас е поскап за разлика од некои членки на Унијата.
Растот на цените е производ на стабилизацијата и очекувањата од вакцините
„Охрабрувачката имунизација со вакцините против КОВИД 19 и ефектите од договорот на ОПЕК
за ограничување на производството во следните месеци се клучните причини поради кои
минатата недела берзанските цени на сите нафтени деривати се зголемија – и тоа е едниот
фактор кој влијае директно врз денешната одлука. Вториот фактор е зголемувањето на курсот
на денарот во однос на доларот. По двомесечен постојан пад, за прв пат се регистрира
зголемување на курсот на денарот во однос на доларот и просекот на истиот е за околу 0,845 проценти повисок од просекот на курсот по кој беа формирани цените со претходната пресметка, изјави
Марко Бислимоски, претседател на Регулаторната комисија за енергетика и водни услуги.