25 Април, 2024
0.0301

ПОРАНЕШНИОТ ДИРЕКТОР НА ГРАДСКИ ПАРКИНГ ЌЕ ГИ „СТРОИ“ ЈАВНИТЕ ПРЕТПРИЈАТИЈА - се воведе нова функција, Национален координатор за унапредување, еве колкава е платата

Објавено во: Македонија 05 Октомври, 2022

Добивај вести на Viber

Нова функција се додава во Владата. Имено, мноштвото национални координатори за одредени работи, нешто што пред неколку години дури и не постоеше како функција или беше многу ретко, сега ќе се надополни со уште еден.

Обично овие функции национален координатор за одредена работа се даваат на кадри кои порано имале одредени силни позиции во извршната или во локалната власт, но од одредени причини биле сменети од тие места, па на овој начин им се наоѓа ангажман, но и солидна плата.

Па така, пред неколку дена во Службен весник осамна решение од Владата за именување на Национален координатор за унапредување на работата на јавните претпријатија.

Не е дека не треба да се унапреди работата на јавните претпријатија во земјава, бидејќи тие со години наназад покажуваат хронично слаби резултати во работењето, а од друга страна книжат бројни загуби и долгови. Раководните лица во јавните претпријатија се меѓу најдобро платените, а нивниот учинок низ годините наназад, чест на исклучоците, е прилично слаб.

Многу влади и собранија наназад донесоа бројни закони и нови правила на игра, токму со цел да се оптимизира работењето на јавните претпријатија и тие да престанат да бидат бунар без дно за трошење на државни и општински пари, но ниту едно од овие решенија не се покажа како успешно.

Останува да видиме дали тоа ќе му успее на новиот Национален координатор за унапредување на работата на јавните претпријатија.

Инаку, од Владата навеле во своето решение дека овој национален координатор го именуваат врз основа на член 36, став 6 од Законот за Влада.

А, на оваа позиција доаѓа Борче Јакимовски, кој функцијата ќе започне да ја врши сметано од први октомври 2022 година.

За овој свој ангажман Јакимовски ќе зема над 90 илјади денари, со оглед што коефициоентот му е 3,3 или три просечни плати, односно ако на крајот на јули просечната плата била 31.812 денари, значи по три тоа е над 90 илјади денари веројатно во бруто износ, со тоа што треба да се има предвид дека на овој износ се засметува и исплатениот персонален данок.

Инаку, на јавноста Јакимовски и е познат по тоа што е кадар на Демократскиот сојуз и долги години беше директор на едно јавно претпријатие, а тоа е Градски паркинг. Тој е член на Демократскиот сојуз од 2000 година, а сега е и член на потесното претседателство на партијата на Павле Трајанов. Во мај 2010 година бил избран за директор на ЈП Градски паркинг, а мандатот му истече во август 2018 година, по што престана да ја врши функцијата.

За воља на вистината, касата на претпријатието ја остави во плус, односно, според полугодишниот извештај од почеток на јануари до крај на јуни 2018 година, ЈП Градски паркинзи Скопје оствари добивка од 103.699 милиони денари за половина години и чист профит од безмалку 20 милиони денари. Сепак јавното претпријатие во приходите добило субвенција од основачот Град Скопје во висина од 15 милиони денари.

Инаку, во Службен весник може да се види и одлука за измени на Одлуката за утврдување коефициенти за пресметување на платата на владините функционери, а чија поента се состои во тоа што покрај сите други национални координатори, се додава и оваа функција – национален координатор за унапредување на работата на јавните претпријатија, и се наведува дека неговиот коефициент ќе изнесува 3,3 просечни плати.

Владата во моментов, како што стои на нејзината веб страница има 10 национални координатори за различни потреби, а има и тројца в.д заменици национални координатори.

Н.Н.Ф.

Можеби ќе ве интересира

КУЌЕН ПРИТВОР И МЕРКА НА ПРЕТПАЗЛИВОСТ ЗА ТАТКОТО НА ВАЊА: Врховен го преиначи решението на Апелација

КУЌЕН ПРИТВОР И МЕРКА НА ПРЕТПАЗЛИВОСТ ЗА ТАТКОТО НА ВАЊА: Врховен го преиначи решението на Апелација

Кајчев по првиот круг претседателски избори: Можно е да се влошат македонско-бугарските односи

Кајчев по првиот круг претседателски избори: Можно е да се влошат македонско-бугарските односи

„ЏАРО ИМ ПЛАТИЛ НА ФУДБАЛЕРИ ДА ИГРААТ КАКО ШТО ТОЈ САКА, А ВО МАКЕДОНИЈА НАМЕСТИЛ НАТПРЕВАР ДА ЗАВРШИ 134 НАСПРЕМА НУЛА“: Српските медиуми за Џаровски

„ЏАРО ИМ ПЛАТИЛ НА ФУДБАЛЕРИ ДА ИГРААТ КАКО ШТО ТОЈ САКА, А ВО МАКЕДОНИЈА НАМЕСТИЛ НАТПРЕВАР ДА ЗАВРШИ 134 НАСПРЕМА НУЛА“: Српските медиуми за Џаровски

ЗА УБИСТВОТО НА ВАЊА: Таткото со нова жалба пред Врховен за притворот

ЗА УБИСТВОТО НА ВАЊА: Таткото со нова жалба пред Врховен за притворот

„СО ПУШКА ДОЈДОА НА ВЛАСТ, СО ПЕНКАЛО ДА ГИ ОТЕРАМЕ НА БУНИШТЕТО НА ИСТОРИЈАТА“ - Стојанче Ангелов бара општа мобилизација за „Твоја Македонија“

„СО ПУШКА ДОЈДОА НА ВЛАСТ, СО ПЕНКАЛО ДА ГИ ОТЕРАМЕ НА БУНИШТЕТО НА ИСТОРИЈАТА“ - Стојанче Ангелов бара општа мобилизација за „Твоја Македонија“

КИСЕЛА ВОДА НАЈМНОГУ ОД СИТЕ ЈА САКА ДАВКОВА, ЦЕНТАР, СЕПАК, СО НАЈМАЛА РАЗЛИКА - еве како гласаа скопските општини

КИСЕЛА ВОДА НАЈМНОГУ ОД СИТЕ ЈА САКА ДАВКОВА, ЦЕНТАР, СЕПАК, СО НАЈМАЛА РАЗЛИКА - еве како гласаа скопските општини

ЧЕТВОРИЦА ПОВРЕДЕНИ, МЕЃУ КОИ И ДВЕГОДИШНО ДЕТЕ: тешка сообраќајка на патот Велес - Градско

ЧЕТВОРИЦА ПОВРЕДЕНИ, МЕЃУ КОИ И ДВЕГОДИШНО ДЕТЕ: тешка сообраќајка на патот Велес - Градско

ДАЛИ ОПОЗИЦИЈАТА ОСТВАРИ НЕДОСТИЖНА ПРЕДНОСТ ПРЕД ВТОРИОТ КРУГ НА ГЛАСАЊЕ - BBC на српски со анализа за огромната победа на ВМРО-ДПМНЕ

ДАЛИ ОПОЗИЦИЈАТА ОСТВАРИ НЕДОСТИЖНА ПРЕДНОСТ ПРЕД ВТОРИОТ КРУГ НА ГЛАСАЊЕ - BBC на српски со анализа за огромната победа на ВМРО-ДПМНЕ

ЗАМИНА УШТЕ ЕДНА ЛЕГЕНДА - почина познатиот менаџер Велибор Џаровски - Џаро

ЗАМИНА УШТЕ ЕДНА ЛЕГЕНДА - почина познатиот менаџер Велибор Џаровски - Џаро