Марина Узунов нов портпарол на Регулаторна
Објавено во: Економија 23 Јануари, 2020
Марина Узунов ќе биде новото лице за односи со јавност во Регулаторната комисија за енергетика.
Ова за Фактор го потврди и првиот човек на Регулаторната комисија за енергетика, Марко Бислимовски.
Според него, Марина Узунов од 17 јануари годинава работи во Регулаторната комисија за енергетика, на односи со јавност во оваа институција.
Инаку, Марина Узунов беше советничка за комуникации во Кабинетот на поранешниот вицепремиер задолжен за економски прашања, Кочо Анѓушев, кој реши да ја напушти оваа функција откако на 3 јануари годинава беше избрана техничката Влада, и му се врати на својот приватен бизнис.
А како што пишуваа медиумите во јануари 2018 година, Узунов тогаш беше именувана за Член на Дирекцијата за технолошко индустриски развојни зони (ТИРЗ), во исто време додека работеше и во Кабинетот на Анѓушев.