Поранешен кандидат на СДСМ за градоначалник поставен за привремен директор на „Дрисла“
Објавено во: Македонија 21 Јануари, 2020
Коста Начевски е именуван за в.д.директор на градската депонија „Дрисла“ која од вчера повторно е регистрирана како јавно претпријатие и е под владение на Град Скопје.
Начевски е поранешен кандидат за градоначалник на Бутел од редовите на СДСМ а доаѓа на местото на Горан Ангелов, кој денеска е разрешен како директор на депонијата што беше под концесија на приватниот оператор ФЦЛ Амбиенте.
Приватниот инвеститор под водство на Доменико Ферацоли заедно со Ангелов повеќе не управуваат со „Дрисла“.
- По една година напорна работа успеавме да ја превземеме Дрисла, со ова решение завршува деветгодишната авантура на ВМРО-ДПМНЕ која ја даде депонијата на несоодветен оператор. Ќе биде назначен наскоро нов Управен и Надзоерн одбор По завршувањето на постапката ќе ги повикам сите поединци и здруженија да помогнеме да се направи анализа на досешното работење. Неповратно загубивме девет години. Прва грижа ќе биде да стане прва вистинска санитарна депонија и нејзиниот економски потенцијал да биде во служба на граѓаните, рече вчера градоначалникот Петре Шилегов.
Град Скопје две години имаше административни проблеми во превземањето на депонијата „Дрисла“, а Шилегов постојано го критикуваше нејзиното неодговорно работење.
А.К.