ПОРАЧУВА ДА НЕ СЕ ОТКАЖУВАТЕ ОД ВАШИТЕ ЦЕЛИ: Пред две години му беа ампутирани нозете, виничанец сепак истрача маратон во Базел
Објавено во: Македонија 03 Декември, 2024
Две години по ампутацијата на нозете, Златко Ѓоргиев направи вистински успех на маратонот во Базел.
38-годишниот Ѓоргиев од Виница, направи подвиг што инспирира. Тој успешно заврши маратонска трка во Базел, Швајцарија, откако пред неполни две години поради несреќа му е направена ампутација на двете нозе. Користејќи протези кои му овозможуваат да се движи, тој ги помина петте километри за 50 минути и 40 секунди, достигнувајќи ја целната линија на трката.
Златко живее во Швајцарија, во кантонот Базел, каде што пред неколку години го доживеал трагичниот настан кој го промени неговиот живот. Во инцидентот на работното место, багер случајно му ги приклештил нозете, но брзата реакција на Итната помош и медицинската екипа го спасиле неговиот живот. Во интервју за МИА, Златко го раскажува патот на предизвиците, силата за рехабилитација и мотивите кои го водат напред.
„На 13 март минатата година, животот ми се промени целосно. Тоа не беше само мојот проблем, туку и на мојата сопруга и деца. Се наоѓав под камион, и иако реагирав, не можев да избегам. Благодарен сум што преживеав“, вели Ѓоргиев.
За него, рехабилитацијата беше многу повеќе од медицински процес. Во Швајцарија, Златко имал пристап до специјализирани центри за физикална и психолошка поддршка, кои му помогнале да го надмине периодот на опоравување. Со секојдневните активности како пешачење, возење автомобил, кошарка и планинарење, тој повторно ги живее активните денови, благодарејќи на напорите на здруженија и центри кои ги нудат адаптираните спортови.
„Овие 5 километри беа доказ за мене дека можам и ќе продолжам да се бордам, без оглед на промените во животот“, објаснува Златко.
Со пораката „Секој ден е нова можност за напредок“, Златко ја охрабрува јавноста да не се откажува, без разлика на тешкотиите.
„Не откажувајте се од вашите цели. Човечкото тело е како градина, а волјата е главниот градинар“, додаде тој.
Тој не ја изгубил надежта и ги советува и другите да го направат истото.Можеби ќе ве интересира
„МИЦКОСКИ ИМАШЕ СРЕДБИ СО ЛУЃЕ СО БИТНО ВЛИЈАНИЕ ЗА МАКЕДОНСКИТЕ ИНТЕРЕСИ ПОВЕЌЕ ОД СИТЕ ВЛАДИ НА СДСМ“: „А Таче не се брои, пошто е битен ко семафор на пешачки во Чаир“ - Латас распали
САРАЕВО Е ПРВО: Скопје е 11-ти најзагаден град во светот
„ЕУРОЊУЗ“: Македонија има најзагаден воздух во Европа - кои држави се во иста група?
ИЗМАМЕН ТЕТОВЧАНЕЦ: Му ветиле 17.000 долари, а останал без пари
ПОЧИНА ДОАЈЕНОТ НА МАКЕДОНСКОТО СПИКЕРСТВО, СНЕЖАНА ЛИПКОВСКА: Прерпознатлива во цела бивша Југославија по зелените очи и моќниот глас
ИМА ВЕРБА ДЕКА МВР ЌЕ ГИ ОТКРИЕ СТОРИТЕЛИТЕ - сопственичката на бутикот што изгоре во Карпош се заблагодарува за поддршката
ЛЕКОВИ, ИНСУЛИНСКИ ИГЛИ, КЛУЧЕВИ ЗА АВТОМОБИЛИ, ОБЛЕКА - цариниците со „полни раце работа“, еве што се заплениле
Села: Зошто Мицкоски и функционерите од „Вреди“ не ги покажат поканите од инаугурацијата?
СЕ БОРИМЕ СО БРИСЕЛ, БЕРЛИН, ПАРИЗ, ЛОНДОН...НАШИОТ ГЛАС Е СЀ ПОСИЛЕН: Мицкоски уште еднаш се огласи од САД, се сретна со близок соработник на Трамп
