07 Јуни, 2020
0.0294

Рез кај приватните друштва, повеќе пари за државниот ПИОМ: ВМРО-ДПМНЕ најавува амбициозна реформа

Објавено во: Македонија 20 Февруари, 2020

Помалку пари од пензискиот придонес кој го плаќаат граѓаните за приватните фондови, повеќе да остануваат за државниот Фонд за пензиско и инвалидско осигурување (ПИОМ). ВМРО-ДПМНЕ планира, ако победи на следните парламентарни избори, комплетно да го промени начинот на кој се делат парите меѓу државниот и приватните пензиски фондови, а тоа ќе се прави со намалување на делот од придонесите кои се издвојуваат кон друштвата од вториот задолжителен пензиски столб. 

Ова за Фактор го потврди Трајко Славески, член на Извршниот комитет на ВМРО-ДПМНЕ, инаку поранешен министер за финансии. Славески вели дека планираат и да иницираат законски измени со кои ќе се елиминира можноста за вложувања на парите од пензиските друштва во државни хартии од вредност. Партијата во опозиција смета дека на ваков начин ќе успее да го намали минусот во државниот фонд кој секоја година се зголемува, а се покрива со пари од државниот буџет.

„Првата мерка ќе биде во насока на намалување на процентот од придонеси кој се насочува кон вториот пензиски столб. Правиме анализи за оптимално одмерување на ова намалување. Втората мерка ќе биде во насока на внесување на законски измени, елиминирање на можноста за вложувања во државни хартии од вредност и релаксирање на рестрикциите за вложувања во одредени класи на средства во ЗКФПО. Од една страна државата се задолжува со цел финансирање на ЗКФПО, а од друга страна едни од доминантните купувачи на државните обврзници се токму задолжителните пензиски фондови, на кои државата во континуитет им исплаќа камата. Овој магичен круг мора да се прекине! Ова води кон рационализација и создавање фискален простор односно редуцирање на јавниот долг и стабилизирање на состојбите во ФПИОМ“, вели Славески.

Тврди дека на ваков начин ќе се намали големината на задолжителните пензиски фондови, а од друга страна, средствата кои ќе останат во нив, со измени во законските ограничувања на дозволени вложувања ќе дадат можност да бидат насочени кон повисокоприносни инвестиции, осигурувајќи високи пензии. Според него, тоа била и клучната цел на формирањето на приватниот задолжителен пензиски столб. Моментно од средствата со кои располагаат друштвата само нешто помалку од пет отсто се вложени во инструменти на берзата.

Поранешниот министер вели дека последните мерки на владејачката партија со кои се зголеми пензискиот придонес на 18,8 проценти, директно се оштетени илјадници вработени во приватниот сектор чии договори за вработување гласат на бруто износ на паричен надомест. ВМРО ДПМНЕ планира, како што вели тој, да го врати законското услогласување на пензиите по принципот усогласување на пензиите еднаш на шест месеци, со 50 отсто раст на трошоците за живот и 50 проценти пораст на платите во земјата.

Во моментот вкупната стапка на пензискиот и инвалидскиот придонес изнесува 18,8 проценти. Од нив, 12,8 проценти се за ПИОМ, а 6 отсто за задолжителниот пензиски фонд.

Моментно три друштва управуваат со парите на осигурениците во вториот задолжителен пензиски столб – Сава пензиски фонд, КБ Прв отворен задолжителен пензиски фонд и Триглав задолжителен пензиски фонд.

Од почетокот на воведувањето на реформата, двете друштва кои функционираа на пзарот Нов пензиски фонд кој сега е Сава пензиски систем и КБ Прв  задолжителен пензиски фонд имаат номинални приноси од нешто над пет осто, додека реалниот принос е околу 3,7 проценти.

И ПЕРСОНАЛЕЦОТ И ДОБИВКАТА ЌЕ ОДАТ НАДОЛУ - ПРВО НА 9, ПА НА 8 ОТСТО

А доколку ја добие довербата од граѓаните, ВМРО-ДПМНЕ најавува дека со законски измени ќе го врати рамниот данок, односно ќе ги укине одредбите со кои прогресивното оданочување се одложува за период од три години. 

„Нема поголема потврда за тоа дека рамниот данок е најсоодветен за Република Македонија, од потврдата што ја испорача СДСМ минатата година со лупингот со воведување на прогресивно оданочување, а потоа враќање назад. Во економската теорија се ретки ваквите ситуации на ‚природни експерименти', кога се создаваат услови за тестирање на некоја мерка, политика или реформа. Се покажа дека рамниот данок ги издржа критиките и на најлутите противници! За ова сме им благодарни, затоа што секогаш внимателно ги следиме ставовите на критичарите и во нив гледаме еден вид бесплатни совети“, вели Славески за Фактор.

Со враќањето на рамниот данок, како што објаснува членот на највисокото раководство на партијата, ќе се отстрани неизвесноста со која се соочени економските субјекти поврзана со прашањето на оданочување на личниот доход.

Дополнително, новата влада предводена од ВМРО-ДПМНЕ се обврзува да ги намали даночните стапки за оданочување на персоналниот доход и на добивката на 9 отсто од почетокот на 2021 година, и на 8 отсто од 2022 година. 

Намалените приходи би се компензирале со зголемена даночна дисциплина и намалена даночна евазија.

„Целта на овој предлог е двојна: Прво, глобалната економија полека но сигурно забавува и е можна рецесија. Се покажа дека воведувањето на рамниот данок во 2007 година, една година пред ударот на Глобалната финансиска и економска криза, претставуваше сериозна инјекција за македонската економија во насока на побезболно надминување на кризата која имаше сериозни последици и за нашата економија.

Второ, во изминативе неколку години бележиме значителен пораст на сивата економија и на корупцијата. Тоа го потврдуваат веќе објавени извештаи од релевантни меѓународни организации. Намалувањето на даночните стапки и извесноста дека рамниот данок е ‚тука за да остане', ќе придонесе за зголемување на финансиската дисциплина и намалување на даночната евазија, што ќе значи компензација за евентуалното намалување на прибраните средства во буџетот од овој вид даноци. Ова, ист така, ќе влијае кон поголема рамномерност во распределбата на даночниот товар кај даночните обврзници“, објаснува професорот Славески.

А.Т - Н.Н.Ф.

Можеби ќе ве интересира

СЕКОЈА ЧЕСТ ХЕРОИ - ова се лекарите кои секојдневно се борат за спас на животи

СЕКОЈА ЧЕСТ ХЕРОИ - ова се лекарите кои секојдневно се борат за спас на животи

ГРЦИЈА СЕ ПИШМАНИ: Можно е границата за земјава да не се отвори на 15 јуни, ќе се следи состојбата

ГРЦИЈА СЕ ПИШМАНИ: Можно е границата за земјава да не се отвори на 15 јуни, ќе се следи состојбата

НАЈЧЕВСКА СО ПОРАКА: Ако Албанците не го столчат ДУИ на избори, уште долго ќе останат заглавени

НАЈЧЕВСКА СО ПОРАКА: Ако Албанците не го столчат ДУИ на избори, уште долго ќе останат заглавени

ЦРНА СТАТИСТИКА: Најмногу починати од Скопје, но највисока стапка на смртност има во Струга

ЦРНА СТАТИСТИКА: Најмногу починати од Скопје, но највисока стапка на смртност има во Струга

ТРОЈЦА ВО СТРУГА, ПО ЕДЕН ВО ПОНИКВА И ВО МАВРОВО - петорица угостители заработиле кривични пријави од Пазарна

ТРОЈЦА ВО СТРУГА, ПО ЕДЕН ВО ПОНИКВА И ВО МАВРОВО - петорица угостители заработиле кривични пријави од Пазарна

ОХРИДСКИТЕ ИНСПЕКТОРИ И ПОЛИЦАЈЦИ НА ТЕРЕН - казни за сместувачите што кршат правила

ОХРИДСКИТЕ ИНСПЕКТОРИ И ПОЛИЦАЈЦИ НА ТЕРЕН - казни за сместувачите што кршат правила

ШТО СЕ СЛУЧУВА ВО СЕВЕРНА МАКЕДОНИЈА - српските медиуми пишуваат дека вирусот повторно букна

ШТО СЕ СЛУЧУВА ВО СЕВЕРНА МАКЕДОНИЈА - српските медиуми пишуваат дека вирусот повторно букна

КАМПАЊА, ПРОВОКАЦИЈА ИЛИ НАДЕЖ - Ахмети и ДУИ бараат обединување за Албанец премиер

КАМПАЊА, ПРОВОКАЦИЈА ИЛИ НАДЕЖ - Ахмети и ДУИ бараат обединување за Албанец премиер

НАЈНОВИ БРОЈКИ ЗА ЗАРАЗЕНИ: Сега се 125, откако претходно се соопшти за 79

НАЈНОВИ БРОЈКИ ЗА ЗАРАЗЕНИ: Сега се 125, откако претходно се соопшти за 79