ПОЛИТИЧКИ ЗЕМЈОТРЕС ВО МАКЕДОНИЈА: Грците пишуваат за разочарувањето во Брисел

Добивај вести на Viber

Политички земјотрес во Скопје. Вака медиумите кај јужниот сосед пишуваат за најновите случувања откако Македонија не доби датум за преговори со ЕУ. 

„Ветото од Франција предизвика политички случувања во Северна Македонија“; „Бура во Скопје по кажаното „не“ од ЕУ“; „Разочараност во Северна Македонија“; се дел од коментарите во грчките медиуми по завршениот Самит на ЕУ,  jави дописничката на МИА од Атина.

Медиумите во Грција ги пренесуваат изјавите на првите луѓе на Еврокомисијата, Жан-Клод Јункер и на Европскиот совет, Доналд Туск и на шефот на француската држава Емануел Макрон, но и на претседателот на Македонија, Стево Пендаровски, информирајќи за вонредната лидерска средба закажана за в недела, а во текот на вчерашниот ден пишуваа и за наводна оставка на премиерот Зоран Заев.

Грчката телевизија Антена коментира дека Франција ја блокираше европската перспектива на Северна Македонија, а државната телевизија ЕРТ, во прилогот во централното издание на вестите, коментираше дека постои разочараност во Северна Македонија.

Грчките власти се изјаснија дека тоа што не добивме датум, не е добро за нив, и за регионот. Eкс грчкиот премиер Алексис Ципрас го осуди фактот дека лидерите на земјите-членки на ЕУ не успеаја да се постигнат согласност за предлогот за започнува пристапни преговори со Северна Македонија и со Албанија.