Полицијата казни 218 возачи во скопската населба Драчево
Објавено во: Македонија 24 Октомври, 2020
Полицијата во текот на вчерашниот ден само на територијата на Драчево изрекла вкупно 218 санкции, соопшти МВР.
Казни за возење без возачка дозвола добиле 36 лица, биле санкционирани 27 технички неисправни и нерегистрирани возила, за неносење заштитна маска биле евидентирани 14 случаи од полицијата во оваа скопска населба во рамки на Општина Кисела Вода.
„Засилените сообраќајни контроли продолжуваат и во наредните денови. Апелираме
до граѓаните да ги почитуваат сообраќајните правила и прописи за да ја
зголемиме безбедноста во сообраќајот“, порачува МВР.